Colombo Today Local News

කංසා වගාව නිතීගත කළහොත්, ආර්ථික වාසි ලබා ගත හැකි- දේශීය වෛද්‍ය එකමුතුව

කංසා වගාව නිතීගත කළහොත්, ආර්ථික වාසි ලබා ගත හැකි බව දේශීය වෛද්‍ය විද්‍යා ආයතනයේ ජ්‍යෙෂ්ඨ කථිකාචාර්ය නිමල් කරුණාරත්න මහතා පවසයි.

දේශීය වෛද්‍ය එකමුතුව සංවිධානය කළ අද (14) පැවති මාධ්‍ය හමුවකට එක්වෙමින් ඒ මහතා මේ බව සඳහන් කළේය.

“කංසාවලට අයුර්වේදයෙන් දී ඇති නම වන්නේ ‘ත්‍රෛයිලෝක විජයා’. ඒ කියන්නේ තුන් ලෝකයම ජය ගන්නවා කියන නම තියෙනවා. කංසා අවභාවිතය නිසා තමයි මේ ප්‍රශ්න ඇතිවෙලා තියෙන්නේ, කංසා අපිට භාවිත කළ හැකි ක්‍රම කිහිපයක් තියෙනවා. කංසා අවභාවිතයේ දී දුමක් ලෙස භාවිත කරනවා. කංසා අභ්‍යන්තරව ගැනීම අවභාවිතය නොවේ”.

“එය භාවිත කළ විට දීර්ඝ කාලයක් ශරීරය තුළ තියෙනවා. මාසයක් ගිය පසු මුත්‍රාවල කංසා රසායනික ද්‍රව්‍ය අඩංගු යැයි පරීක්ෂණයක් කළහොත් එය ඇති බවට ඔප්පු වෙනවා. මෙය මත්ද්‍රව්‍යයක් කියලා බෙදලා නැහැ, කොහේවත් ලියවිලා නැහැ. ඖෂධීය මාත්‍රාවෙන් ගත් විට කංසා ඉතා ඉහළ ගණයේ ඖෂධයක්.”

“උදාහරණයක් ගත් විට ‘බුද්ධ රාජ කල්කය’ අපි පොඩි ළමයින්ටත් දෙනවා, එම ‘බුද්ධ රාජ කල්කය’ තියෙනවා කංසා සහ අබිං යන දෙකම ඒ ද්‍රව්‍ය අඩංගු වුණාම තමයි ඒ ඖෂධවල ගුණයක් තියෙන්නේ, ඒ නිසා මෙවා දේශීය වෛද්‍යවරුන්ට මෙවා භාවිත කරන්න දෙන්න”.

“1964 අංක 13 දරණ පණතේ සංශෝධනය අනුව මෙහි භාවිතය සීමාකරලා තියනවා. සීමකරලා තිබුණත් අපිට යොදන්න පුළුවන් අවස්ථාවක් එයින් ලබා දීලා තියෙනවා,” යනුවෙන්ද ඔහු පැවසීය.

Related posts

සියලු ජලාශ එකම ආයතනයක් යටතේ පාලනයට අවධානය

Admin

BBC සංදේශයට එරෙහිව දිලිත් ජයවීර ගොනු කළ අපහාස වන්දි නඩුව නිෂ්ප්‍රභයි.

colombotoday

ජාතික හැදුනුම්පත ලබා ගැනීමට අද සිට ගාස්තු අය කෙරේ….

colombotoday

මහ බැංකුව රන් සංචිතයෙන් තවත් කොටසක් විකුණයි

colombotoday

දවස් 40ට මරණ 12යි.. රෝගීන් 9,886යි.. ඩෙංගු අධි වංසගත තත්ත්වයක් !

colombotoday

මරාගෙන මැරෙන බෝම්බකරුවන්ගේ ආත්මයන් දෙවියන් භාර ගනිත්වා – ඉස්ලාම් රාජ්‍ය ත්‍රස්තයෝ සතුට සමරති…

colombotoday