Colombo Today Local News

කුරුණෑගල නගරාධිපති නඩු කියන්න නගර සභාවෙන් සල්ලි ඉල්ලයි

කුරුණෑගල නගර සභාව අද (13)දින රැස්වීමක් කැඳවා තිබුණද නගරාධිපතිවරයා නියමිත වේලාවට සභාවට නොපැමිණීම හේතුවෙන් එහි මන්ත්‍රීවරු ඊට අප්‍රසාදය පළ කරමින් පිටව ගියෝය.

නගර සභාව රැස්වීමට නියමිතව තිබූ වේලාවේ නගරාධිපතිවරයා රැදී සිටියේ අමාත්‍ය ජොන්ස්ටන් ප්‍රනාන්දු මහතා වැඩ භාරගැනීම වෙනුවෙන් සංවිධානය කළ උත්සවයේය.

නගරාධිපතිවරයා එම උත්සවයේ පිළිගැනීමේ කතාව ද සිදුකළේය.

එම උත්සවයේ වැඩකටයුතු අවසන් වීමෙන් පසු දහවල් 12.10ට පමණ නගරාධිපතිවරයා සභාව වෙත පැමිණියේය.

එම අවස්ථාව වනවිට මන්ත්‍රීවරුන් රැසක් සභාවෙන් පිටව ගොස් සිටීම නිසා සභාවේ රැදී සිටි මන්ත්‍රීවරයකු යෝජනා කළේ සභාව කල් දමන ලෙසය.

අනතුරුව නගරාධිපතිවරයාද ඔහුට නියමිත වේලාවට පැමිණීමට නොහැකි වූ කාරණය පිළිබඳව පැහැදිලි කර සභාව කල් දමනු ලැබීය.

බුවනෙකබා ගොඩනැගිල්ලේ කොටසක් කඩා දැමීමේ සිද්ධියේ නඩුවට අදාළව කුරුණෑගල නගරාධිපතිගේ නීතීඥ ගාස්තුව නගර සභාව මගින් ගෙවීම අනුමත කරගැනීම සඳහා මෙම රැස්වීම කැඳවා තිබූ බවට සමස්ත ලංකා ගොවිජන සම්මේලනයේ සභාපති නාමල් කරුණාරත්න මහතා චෝදනා කරයි.

මේ අතර කුරුණෑගල රාජධානි සමයේ බුවනෙක රජුගේ රාජසභා මණ්ඩපය බව සැලකෙන ගොඩනැගිල්ලේ කොටසක් කඩාදැමීමේ සිද්ධිය සම්බන්ධයෙන් කුරුණෑගල නගරාධිපති තුෂාර සංජීව මහතාට එරෙහිව පැවරූ නඩුව අද (13)දින කුරුණෑගල මහේස්ත්‍රාත් අධිකරණයේ දී කැඳවිය.

එහිදී නඩුව සැප්තැම්බර් 04 දක්වා කල් තැබීමට මහේස්ත්‍රාත්වරයා නියෝග කර තිබේ.

කුරුණෑගල නගරාධිපති තුෂාර සංජීව ඇතුළු පස් දෙනෙකු අත්අඩංගුවට ගැනීම සඳහා මින් පෙර වරෙන්තුවක් නිකුත් කර තිබුණත් අගෝස්තු 24 වැනි දා දක්වා එය ක්‍රියාත්මක නොකරන ලෙසට අභියාචනාධිකරණය ඊයේ (12)දින නියෝග කළේය.

මේ අතර ඊයේ (12)දින ප්‍රවෘත්ති සාකච්ඡාවක් පවත්වමින් සමස්ත ලංකා ගොවිජන සම්මේලනයේ සභාපති නාමල් කරුණාරත්න මහතා සඳහන් කළේ අද දින කුරුණෑගල නගර සභාව රැස්වී නගරාධිපතිවරයාට එරෙහිව ඇති නඩුවේ නීතීඥ ගාස්තු ගෙවීම සඳහා රුපියල් ලක්ෂ 44කට අධික මුදලක් අනුමත කරගැනීමට සූදානම් වන බවය.

Related posts

Facebook පෙම්වතුන් සමඟ දීගකන්න ගිය සිසුවියන් දෙදෙනෙකු අත්අඩංගුවට

colombotoday

විමල්ට සෙත් පතන්න ඥාණසාර හිමියෝ වැලිකඩ වඩිති !

colombotoday

ජීවත්වීමේ අයිතිය ඉල්ලා වව්නියාවේ ගම්මාන 14ක සිංහල වැසියෝ වීදි බසී

colombotoday

පුංචි ඡන්දය ලබන මාර් තුවේ – මැතිවරණ කොමිසම කියයි

colombotoday

රාජ්‍ය ආදායම ගසාකන හොර පනත හකුලා ගනු.. රවීගේ රේගු පනතට රේගු සංගම් විරෝධය

colombotoday

චීන සමාගම බලය පෙන්වයි.. හම්බන්තොට වරාය නැරඹීම පාසල් සිසුන්ට තහනම් කරයි..

colombotoday