ස්විස් තානාපති කාර්යාලයේ සේවිකා ගානියා ප‍්‍රැන්සිස් අත්අඩංගුවට ගැනීම, රහස් පොලිසියේ හිටපු අධ්‍යක්‍ෂ ශානි අබේසේකරට එරෙහිව කි‍්‍රයාකිරීම සහ පොලිස් පරීක්‍ෂක නිශාන්ත සිල්වාට එරෙහිව පියවර ගැනීම සම්බන්ධයෙන් හිටපු එක්සත් ජාතීන්ගේ නිලධාරිනි යස්මින් සුකා ඊයේ (13 දා) ජිනීවා මානව හිමිකම් කොමසාරිස් මිචෙලි බැචලට් වෙත පැමිණිල්ලක් ගොනු කර ඇත.
ඇය මෙම පැමිණිල්ලේ තවදුරටත් දක්වා ඇත්තේ විශේෂ කාර්ය බළකාය, රහස් පොලිස් මූලස්ථානයට කඩවැදී පොලිස් පරීක්‍ෂක නිශාන්ත සිල්වා පරීක්ෂණ පැවැත්වූ නඩුවල ලිපිගොනු සෙවීමේ යෙදුණු බවයි.
එහෙත් විශේෂ කාර්ය බළකාය රහස් පොලිසියට කඩාවැදී නැත.
එසේම පිටු 15 ක පැමිණිල්ලක් ඉදිරිපත් කර ඇති ස්විස් තානාපති කාර්යාල සේවිකා ගානියා ප‍්‍රැන්සිස් පැහැර ගැනීමකට ලක්වී ඇති බවත් ඇගේ දුරකථනයේ තිබූ රහස් දත්ත රජයේ බලධාරීන් ලබාගැනීම නිසා ස්විස්ටර්ලන්තයේ රැුකවරණ පැතුවන් බරපතල දුෂ්කරතාවකට ලක්වී ඇති බවත් සඳහන් කර ඇත.
වත්මන් රජය හමුදාකරණය දියත්කර රජයට එරෙහි පාර්ශ්ව මර්දනය කරන බවද යස්මින් සුකා වැඩිදුරටත් එම පැමිණිල්ලේ දක්වා තිබේ.