Covid 19

තවත් කොවිඩ් මරණ 4 ක් ගෙවුණු දිනයේදී වාර්තා වෙයි – සමස්ත මරණ සංඛ්‍යාව 87 දක්වා ඉහළට

තවත් කෙරෝනා මරණ 4 ක් ඊයේ(22) දිනයේදී වාර්තා වෙයි.

ඒ අතර පිරිමි පුද්ගලයින් දෙදෙනෙක් සිටින අතර සෙසු දෙදෙනා කාන්තාවන් වේ.

රජයේ ප්‍රවෘත්ති දෙපාර්තමේන්තුව සඳහන් කළේ, කොළඹ 15 ප්‍රදේශයේ පදිංචි 70 හැවිරිදි කාන්තාවක් ජාතික රෝහලට ඇතුළත් කරන අවස්ථාවේදී මියගිය බවයි.

මරණයට හේතු වී ඇත්තේ කොවිඩ් නිව්මෝනියා තත්ත්වයයි.

ජාතික රෝහලට ඇතුළත් කිරීමේදී තවත් අවුරුදු 53ක පිරිමි පුද්ගලයෙක් මිය ගිය අතර ඔහු කොළඹ 12 ප්‍රදේශයේ පදිංචි අයෙකි.

මරණයට හේතු වී ඇත්තේ නිදන්ගත පෙනහළු රෝගයත් කෝවිඩ් 19 ආසාදනය සමග උත්සන්න වීමයි.

බොරැල්ල ප්‍රදේශයේ පදිංචි 84 ක කාන්තාවක් ද ඊයේ දින මිය ගිය අයවලුන් අතර වේ.

ඇයගේ මරණයට හේතු වී ඇත්තේ කොවිඩ් 19 ආසාදනය සමග ඇති වූ නිව්මෝනියා තත්ත්වයයි.

මිය ගිය අනෙක් පුද්ගලයා වයස අවරුදු 75 ක පිරිමි පුද්ගලයෙක් වන අතර ඔහු කොළඹ 10 ප්‍රදේශයේ පදිංචි අයෙකි.

කොවිඩ් 19 ආසාදිතයෙකු ලෙස හඳුනා ගැනීමෙන් පසු කොළඹ ජාතික රෝහලේ සිට අයි.ඩී.එච්. රෝහල වෙත එම පුද්ගලයා මාරුකර යවා තිබුණේය.

එහි දැඩි සත්කාර ඒකකයේ ප්‍රතිකාර ලබමින් සිටියදි ඔහු මියගිය අතර මරණයට හේතුව කොවිඩ් ආසාදනය සමග උත්සන්න වූ නිව්මෝනියා තත්ත්වයයි.

ඒ අනුව මෙරට කොරොනා ආසාදනය වීමෙන් මියගොස් ඇති පුද්ගලයින් සංඛ්‍යාව 87 දක්වා ඉහළ ගොස් ඇතැයි රජයේ ප්‍රවෘත්ති දෙපාර්තමේන්තුව සදහන් කළේය.

Related posts

ICBT සිසුවෙකුටත් කොරෝනා

colombotoday

වරායේ සේවකයන් දෙදෙනකුට කොරෝනා.. පැත්තක් වසා දමයි

colombotoday

මෙරටින් වාර්තාවන කොවිඩ් ආසාදිතයින් ගණන 52,000 ඉක්මවයි.

colombotoday

කොරෝනා යලි මඩින්න ජනපති දුන් උපදෙස්

colombotoday

ඇඳිරි නීතිය නොදැමූ ප්‍රදේශ 16 කින් කොරෝනා ආසාදිතයින් වාර්තා වෙයි

colombotoday

කොරෝනා අධි අවදානම් දිස්ත්‍රික්ක තුනක්

colombotoday