Colombo Today Local News

පොල් ගෙඩිය මැනීමේ නවතම මිනුම ගල් යුගයේ වැඩක්. නීති අධ්‍යක්ෂකවරියට චෝදනා

පසු ගිය 25 වනදා පාරිභෝගික කටයුතු පිළිබද අධිකාරිය විසින් පොල් මිල පාලනය කිරීම සදහා අංක 2194/73 දරණ අතිවිශේෂ ගැසට් පත්‍රය නිකුත් කරන ලදී. එමගින් පොල් ගෙඩියේ වට ප්‍රමාණය අනුව මිල තීරණය කිරීම මුලින්ම ලංකාවට හදුන්වා දෙනු ලැබීය.

එහි සදහන් ආකාරයට පොල් ගෙඩියේ වට ප්‍රමාණය මනිනු ලබන මිනුම් දණ්ඩ වන්නේ අඟල් ය. අඟල් යන මිණුම අප භාවිතයෙන් ඉවත් කර දශක ගණනාවක් වේ. වර්තමාන ලෝකය ගමන් කරන්නේ සෙන්ටි මීටර හා මිලිමීටර ලෙස සළකනු ලබන Metric ක්‍රමයට වන අතර අඟල් භාවිතා කරන්නේ Imperial ක්‍රමය හෙවත් අධිරාජ්‍ය ක්‍රමයටය. ඒනයින් බලන කල පාරිභෝගික කටයුතු අධිකාරියේ නීති අංශයේ අධ්‍යක්ෂකවරිය තවමත් ජීවත්වන්නේ ගල් යුගයේ බව පැහැදිලිව දක්නට ඇතැයි පාරිභෝගික අයිතීන් සුරැකීමේ ජාතික ව්‍යාපාරය සභාපති රංජිත් විතානගේ සදහන් කරයි.

පොල් සංවර්ධන අධිකාරිය විසින් නිර්දේශ ඉදිරිපත් කර ඇත්තේ අඟල් වලින් වුවද පාරිභෝගික කටයුතු පිළිබද අධිකාරියේ ගැසට්පත්‍ර නිකුත් කිරීමේ වගකීම දරන්නේ එහි නීති අධ්‍යක්ෂකවරියයි.

පසුගිය දිනවල රජය විසින් නිකුත් කරන ලද ගැසට් පත්‍රය යලි හකුලා ගැනීමට සිදුවිය. එසේ වූයේ නිළධාරීන්ගේ වරදින් බව ඉතා පැහැදිලි නමුත් සමාජ මාධ්‍ය ජාලා මෙම ගැසට් රිවස් කිරීම පිළිබදව විවේචන එල්ල කරන ලද්දේ ජනාධිපතිවරයා වෙතය. පාරිභෝගික කටයුතු අධිකාරියේ පොල් පාලන මිල ගැසට්පත්‍රය මෙසේ වරදවා මුද්‍රණය කර ඇත්තේ ජනාධිපතිවරයා හා රජය අපහසුතාවයට පත් කිරීමට හිතාමතාමද යන්න පිළිබදව වහාම සාධාරණ පරීක්ෂණයක් පැවැත්විය යුතු බව පාරිභෝගික අයිතීන් සුරැකීමේ ජාතික ව්‍යාපාරයේ සභාපති වරයා වැඩිදුරටත් සඳහන් කර සිටී.

පාරිභෝගික කටයුතු අධිකාරියේ ආරම්භයේ සිටම නීති අධ්‍යක්ෂකවරිය ලෙස කටයුතු කරන නිළධාරිනිය වසර ගණනාවක පළපුරුද්දක් ඇති නිළධාරිනියක් සහ ඇය මේ වන විට මෙරට ජනාතාවගේ මුදලින් විශාල රටවල් සංඛාවක පුහුණව සදහා සහභාගී වී ඇති පළපුරුදු නිළධාරිනයක්
බවත් ඇය පාරිභෝගික කටයුතු පිළිබද අධිකාරිය වෙනුවෙන් කිසිම නඩු කටයුත්තකට මෙතෙක් පෙනී සිට නැති බවත් ඇය වඩාත් උනන්දුවක් දක්වන්නේ පිටරට සංචාරවලට බවත් පාරිභෝගික කටයුතු අධිකාරියේ බහුතරයක් දන්නා කාරණයක් බවත් ඔහු සදහන් කරයි.

පාරිභෝගික කටයුතු පිළිබද අධිකාරිය විසින් පොල් මිල පාලනය කිරීම සදහා අංක 2194/73 දරණ අතිවිශේෂ ගැසට් ගැසට්පත්‍රය නිකුත් කිරීමේ දී සම්මත මිණුම් දඩු වරදවා මුදුණය කිරීමේ වගකීම සෘජුවම පාරිභෝගික කටයුතු පිළිබද අධිකාරියේ නීති අධ්‍යක්ෂකවරිය භාරගෙන වහාම ඉල්ලා අස්විය යුතු බව පාරිභෝගික අයිතීන් සුරැකීමේ ජාතික ව්‍යාපාරය අවධාරණය කර සිටී. එම සංවිධානය වැඩි දුරටත් සදහන් කරන්නේ ගැසට්පත්‍රයක් නිවැරදි ආකාරයට සකස් කිරීමට නොදත් අයෙකු ජනතා මුදලින් නඩත්තුවීම රටකට ඔරොත්තු නොදෙන බවත් එවැනි නිළධාරීන් හිතාමතාම හෝ වැරදීමකින් කරනු ලබන එවැනි ක්‍රියා හේතුවෙන් ජනාධිපතිවරයා විෂයභාර අමාත්‍යවරයා ඇතුලු රජය අපහසුතාවය පත්ව ජනාධිපතිවරයා රට ඉදිරියේ හාස්‍යට ලක්වන බවයි.

Related posts

මෙරට හමුදාවන් ලගවත් නැති වර්ගයේ බෝම්බයක් කුලියාපිටිය මුස්ලිම් ව්‍යාපාරිකයෙක් ළග… ආරක්ෂක අංශ නිෂ්ක්‍රීය කරයි…

colombotoday

පැලැස්තර විසඳුම් නැතුව ආණ්ඩුවම ඉල්ලා අස් වෙන්න – විමල්

colombotoday

පාසල් කිහිපයක ගුරුවරුන් සාරිය ගලවා පාසල් එයි

Admin

අධිකරණයේ වැසිකිළියක් තුළදී අල්ලස් ගත් කොස්තාපල් අත්අඩංගුවට

colombotoday

කිලිනොච්චියේ දෙමළ ජනතාවගේ ගෞරවයට පාත්‍රවූ කර්නල් ගැන හමුදාවෙන් තීරණයක්

colombotoday

ගානියා බැරිස්ටර් ෆ්‍රැන්සිස් – පැය 607ක CCTV දර්ශන විශ්ලේෂණය කෙරේ

colombotoday