මෙරට පුද්ගලික අධ්‍යාපන ආයතන තුලට ආගම්වාදය ගෙන එමින් Esoft පරිගණක අධ්‍යාපන ආයතනය මුස්ලිම් සිසුන් සදහා වෙනම යාඥා කාමර හදුන්වා දී තිබෙනවා. ඒ කොළඹ පිහිටි ප්‍රධාන ඉගැන්වීමේ මධ්‍යස්ථානය (Esoft Metro Campus) තුල ගැහැණු සහ පිරිමි මුස්ලිම් සිසුන් සදහා වෙන වෙනම යාඥා කාමර දෙකක් ආරම්භ කිරීමත් සමගයි. මෙම යාඥා කාමර Esoft හිමිකරු වන වෛද්‍ය දයාන් රාජපක්ෂ සහ එම ආයතනයේ අධ්‍යක්ෂක වරයෙකු වන නිශාන් සෙම්බුකුට්ටිආරච්චි යන මහත්වරුන්ගේ ප්‍රධානත්වයෙන් විවෘත කර ඇති අතර ඒ සදහා මව්ලවිවරයෙක්ද සහබාගි වී තිබෙනවා.
අනෙකුත් ආගම් සදහා බුද්ධ මන්දිර, කෝවිල්, කතෝලික පල්ලි හෝ වෙනත් සුදුසු ස්ථාන මෙම ආයතනය තුල මෙතෙක් ඉදිකර නොමැති අතර මුස්ලිම් සිසුන් සදහා පමණක් විශේෂයක් දවමින් යාඥා කාමර ලබාදී තිබෙනවා. Esoft හිමිකරුවන වෛද්‍ය දයාන් රාජපක්ෂ මහතා නාරම්මල ප්‍රදේශයේ බෞද්ධ පවුලක ඉපිද කුරුණෑගල මලියදේව විද්‍යාලයෙන් අධ්‍යාපනය ලබා IDM ආයතනයේ සේවයකර එම ආයතනයේ සේවයකළ තවත් සේවකයන් පිරිසක් සමග ඉන් ඉවත්ව Esoft ආයතනය ආරම්භකර තිබෙනවා. දැනගන්නට ලැබෙන පරිදි ශ්‍රී ලංකා තොරතුරු තාක්ෂණ වේදීන්ගේ සංගමයේ සභාපතිත්වය දරන්නෙත් දයාන් රාජපක්ෂ මහතායි.
මේ පිලිබදව ජාතික සංවිධාන කිහිපයකම අවධානය යොමුවී තිබෙන අතර “බහුතරයක් මුස්ලිම් ආගම වන රටවල මෙවැනි ස්ථාන තිබීම ප්‍රශ්නයක් නොවන නමුත්, වහබ්වාදී කල්ලි විවිධ වේශයන්ගෙන් රට ආක්‍රමණය කිරීමට උත්සහ කරන මොහොතක, බහුතරය බෞද්ධයන් ජිවත්වන අපේ රටේ මෙවැනි ස්ථාන ආරම්භ කිරීම මගින් Esoft ආයතනය නරක පුර්වාදර්ශයක් දී ඇති බව” එම සංවිධාන බොහොමයකම අදහස වී තිබෙනවා. ඊට විරුද්ධව කඩිනම් ක්‍රියාමාර්ග ගැනීමට සුදානම් වන බව ජාතික සංවිධාන එකමුතුවේ ප්‍රකාශකයෙක් අප වෙත සදහන් කර සිටියා.
Esoft ආයතනය මගින් අන්තර්ජාලයට එක්කර තිබු මෙම අවස්ථාවේ ජයාරූප සියල්ල ඔවුන් විසින් මේ වනවිට ඉවත් කරගන තිබෙන අතර එම ජයාරූප පහතින්.
-Ceylon Leader-