Colombo Today Local News

බෝම්බ බියක් නිසා අනුරාධපුර පාසල් කලින් වසයි

මරාගෙන මැරෙන බෝම්බකරුවන් පිරිසක් පාසල් දරුවන් ඉලක්කර ප්‍රහාරයක් එල්ල කිරීම සඳහා බෝම්බ ලොරියකින් පැමිණ ඇති බවට පැතිරගිය අසත්‍ය දුරකථන ඇමතුමක් නිසා අද (23දා) සවස අනුරාධපුර නගරය ආසන්නේය පාසල් අසළ දැඩි කලබලකාරි තත්වයක් ඇතිවිය. ඒ සිය දරුවන් නිවෙස් කරා රැගෙන යාමට එකවර දෙමාපියන් විශාල පිරිසක් පැමිණීම හේතුවෙනි.

අනුරාධපුර ශාන්ත ජෝශප් පිරිමි විද්‍යාලය, අනුරාධපුර කේ.බී.රත්නායක මිශ්‍ර පාසල හා අනුරාධපුර ජනාධිපති මිශ්‍ර පාසල ඉලක්ක කර පාසල් අවසන්වනවාත් සමගම ප්‍රහාරය එල්ල කිරීම සිදුවන බවට අසත්‍ය ඇමතුම ලැබීමත් සමග දෙමාපියන් විශාල වශයෙන් පාසල් අසළට රැස්වී සිය දරුවා ආරක්ෂිතව රැගෙන යාමට උත්සහයක නිරතවිය.

ශ්‍රේණි කිහිපයක පාසල් අවසන් වන වේලාව වූ සවස 1.15වූ අතර ඊට පෙර විද්‍යාලයන්හි අධ්‍යන කටයුතු හදිසියේ අවසන්කර දෙමාපියන්ට දරුවන් ලබාදීමට විද්‍යාලවල බළධාරින් කටයුතු කළේය.

මෙම දුරකථන ඇමතුමත් සමග අනුරාධපුර කොට්ඨාශ භාර පොලිස් අධිකාරි තිලිණ හේවාපතිරණ මහතා අනුරාධපුර මූලස්ථාන ප්‍රධාන පොලිස් පරික්ෂක ඊ.එම්.සංජිව මහනාම මහතා ඇතුළු උසස් නිලධාරින් ඇතුළු විශාල පිරිසක් වහාම පාසල් අසලට ගොස් දරුවන්ට අවශ්‍ය ආරක්ෂාව සැලසීමට කටයුතු කළහ.

එහෙත් එවැනි සිදුවීමක් සිදුවීමට කිසිදු ඉඩකඩක් නැති බව අනුරාධපුර කොට්ඨාශභාර පොලිස් අධිකාරි තිලිණ හේවාපතිරණ මහතා පැවසුවේය.

පාස්කු ඉරිදා දින බෝම්බ ප්‍රහාරයෙන් දින කිහිපයකට පසුව උතුරුමැද පළාත් සභා සංකීර්ණයට ත්‍රස්ත ප්‍රහාරයක් එල්ලවන බවට අසත්‍ය දුරකථන ඇමතුමක් ලැබීමත් සමග එදින පළාත් සභාවේ වැඩකටයුතු සම්පුර්ණයෙන්ම නතරකර සේවකයන් නිවෙස් කරා යැවීමට බලධාරින්ට සිදුවු බව ඒ මහතා පැවසුවේය.

එම ඇමතුම ලබාදුන් පුද්ගලයාම මෙම ඇමතුම දෙන්නට ඇති බවට සැකකළ හැකි බවත් ඒ මහතා පැවසුවේය.  මෙසේ අසත්‍ය ඇමතුම් දෙන පුද්ගලයන් අත්අඩංගුවට ගැනීමට කටයුතු කරන බවද ඒ මහතා වැඩිදුරටත් පැවැසුවේය.

Related posts

පොලිස් ප්‍රහාරයෙන් ආබාධිත රණවිරුවාගේ අනිත් ඇසත් අන්ධ වේ.. ආබාධිත බිරිද මාධ්‍ය හමුවේ හඩා වැටෙයි

colombotoday

“මෛත්‍රී – රනිල් දේශපාලන විවාහය සදාකාලිකයි.. කුහකයිනි එය දික්කසාද කරනව බොරු” – සජිත්

colombotoday

2024 පළමු පාසල් වාරය පිලිබද තීරණයක්

Admin

රුසියාව, ශ්‍රී ලංකාව වෙත නැවතත් පියාසර කිරීම අරඹයි

colombotoday

සිරිකොතේ අලියාට වෙඩි තැබූ කොස්තාපල් 29 දක්වා රිමාන්ඩ්

colombotoday

යුද හමුදාපතිට දැමූ තහංචියට එරෙහිව ලක් රජය ඇමරිකානු තානාපතිනියට දැඩි විරෝධය දක්වයි !

colombotoday