Colombo Today Local News

මීගමුව ආපන ශාලාවක තිබී බෝම්බයක් හමුවෙයි…

මීගමුව පොලිස් කොට්ඨාසයේ කටාන බලප්‍රදේශයේ තිඹිරිගස්කට්ටුව ප්‍රදේශයේ ආපන ශාලාවක තබා ගිය බෝම්බයක් ගුවන් හමුදා බෝම්බ නිශ්ක්‍රීය අංශය විසින් අද (24)  නිශ්ක්‍රීය කර ඇත.

මෙම බෝම්බය කිලෝ 4 ත් 5 ත් අතර ප්‍රමාණයකින් යුක්ත වු බව පොලිසිය කීය.

 තිඹිරිගස්කට්ටුව ප්‍රදේශයේ  කුඩා තේ කඩයකට තේ බීමට පැමිණි අඹුසැමි යුවළක් විසින් තමන් හිඳගත් මේසය අසළ තිබූ පුටුවක පාර්සලයක් තිබී ඒ පිළිබඳව කඩහිමියාට දැනුම් දී පොලිස් නිලධාරීන් දැනුවත් කළ බව පොලිසිය පවසයි.

එය බෝම්බයක් බව තහවුරු කරගත් පසු අසළ පිහිටි වත්තකට රැගෙන ගොස් ආරක්ෂිතව පුපුරවා හැරි බව පොලිසිය කීය.

මීගමුව හා කටාන ප්‍රදේශයෙන් සම්පූර්ණයෙන්ම මාර්ගය වසා දමා කටුනායක ගුවන් හමුදා කඳවුරේ බෝම්බ නිශ්ක්‍රීය අංශයේ නිලධාරීන් එම ස්ථානයට කැඳවූ බව පොලිසිය කීය.  

බෝම්බය හමුවූ ස්ථානය අවට නිවෙස්වල තිබෙන ආරක්ෂිත කැමරා නිරීක්ෂණය කරමින් මෙම බෝම්බය රැගෙන ආ පුද්ගලයා හඳුනාගැනීමට පරීක්ෂණ සිදුකරන බවත් උසස් පොලිස් නිලධාරියෙක් පැවසීය.    

මෙම බෝම්බය හමු ස්ථානයත් පාස්කු ඉරිදා මරාගෙන මැරෙන ප්‍රහාරයක් එල්ල වු කටුවපිටිය දේවස්ථානයත්  අතර දුර කිලෝමීටරයක් පමණ වන බව ද පොලිසිය පවසයි.

Related posts

ඥානසාර හිමි බරණැස ඉසිපතනාරාමයේ ධර්ම දේශනා කරති.

colombotoday

මාතර සිසු ඝාතනයේ ප්‍රධාන සැකකරු අධිකරණයට භාර වෙයි…

colombotoday

ජාතික ක්‍රීඩා අරමුදල් ගැන ෂම්මි කල ප්‍රකාශය අසත්‍යයි. – ක්‍රීඩා හා යෞවන කටයුතු අමාත්‍යාංශය කියයි

Admin

මහ වැසි අස්සේ එළවළු මිලත් ඉස්සේ…

colombotoday

බන්ධනාගාරයේ සිට මෙහෙයවන සියලූ අපරාධ වහාම නැවැත්විය යුතුයි.

colombotoday

පොලිස් ලොක්කෝ අගමැති හමුවෙති !

colombotoday