Colombo Today Local News

ස්වෛරී රටක ස්වාධීනත්වයට බලපෑම් කිරීම පහත් ක්‍රියාවක් – යුරෝපා සංගමයට රජයෙන් ප්‍රතිචාර

ශී‍්‍ර ලංකාව සම්බන්ධයෙන් කටයුතු කිරීමට ව්‍යවස්ථාවට අනුව යුරෝපා සංගමයට කිසිදු හැකියාවක් නොමැති බව රජයේ සම කැබිනට් ප‍්‍රකාශක රාජ්‍ය අමාත්‍ය කෙහෙළිය රඹුක්වැල්ල මහතා අවධාරණය කරයි.

පාර්ලිමේන්තුවේදී ඡන්ද විමසීමක් පැවැත්විය යුතු බවට යුරෝපා සංගමය නිකුත් කළ නිවේදනය පිළිබද අදහස් දක්වමින් අමාත්‍යවරයා මේ බව කියාසිටියේය.

යුරෝපා සංගමය සිදුකරන මෙම කි‍්‍රයාව කිසිසේත්ම අනුමත කළ නොහැකි බව ඔහු පැවසීය.

අමාත්‍යවරයා කියා සිටියේ ශ්‍රී ලංකා ප්‍රජාතන්ත්‍රික සමාජවාදී ජනරජයේ ව්‍යවස්ථාමය තත්ත්වයන් සම්බන්ධයෙන් යුරෝපා සංගමයට කටයුතු කිරීමේ හැකියාවක් පවතී ද යන්න තමන් නොදන්නා බවත් රටක අභ්‍යන්තර ප්‍රශ්ණයකට මෙලෙස විදේශීය සංවිධානයක් අයුතු බලයක් යෙදවීම පිළිබඳ තමන් දැඩි ලෙස කණගාටුවන බවත් ය. එවැනි බලයක් ආරුඪ කර ගැනීමට අවස්ථාව ලබා දී ඇත්තේ හිටපු අගමැති රනිල් වික්‍රමසිංහ, මංගල සමරවීර, මලික් සමරවික්‍රම වැනි අය බවද රඹුක්වැල්ල ඇමතිවරයා කියා සිටියේය.

තවත් ස්වෛරී රටක ස්වාධීනත්වයට මේ අයුරින් බලපෑම් කිරීම ඉතා පහත් ක්‍රියාවලියක් බවත් පාර්ලිමේන්තුවේ සම්ප්‍රදායන් හා ව්‍යවස්ථාව අනුව රජය කටයුතු කරන බවත් කෙහෙළිය රඹුක්වැල්ල අමාත්‍යවරයා වැඩිදුරටත් අවධාරණය කරනු ලැබීය.

Related posts

හයිකෝප් නඩුවෙන් ෆීල්ඩ් මාෂල් බෑණා නිදොස් කොට නිදහස්

colombotoday

පුල්මුඩේ ඛනිජ වැලි නිධිය රිෂාඩ් බදුර්දීන්ගේ ගෝලයන්ගේ අනසකට

colombotoday

ශ්‍රී ලංකාවට කෝචොක් දමා ස්විස් තානාපති කාර්යාලය ගහපු ගේම

colombotoday

ජයග්‍රහණයට වෙට්ටු දැමූ බවට සජිත් පිළෙන් රනිල්ට චෝදනා !

colombotoday

පිංකමකට ගිය පොහොට්ටු මන්ත්‍රීගෙන් අහසට වෙඩි

colombotoday

බෙංගාල බොක්කේ ගැඹුරු පීඩන අවපාතයක්… රට පුරා අදත් මහ වැසි…

colombotoday