දිඹුල-පතන පොලිස් වසමට අයත්, මවුන්ට් වර්නන් තේ වතුයායේ උඩ කොටසේ වතු නිවසක් මතට අද (03)දින විශාල පස් කන්දක් කඩා වැටීමෙන් එම නිවසේ සිටි කාන්තාවක් සිද්ධිය වූ ස්ථානයේදීම මිය ගොස් ඇති බව පොලීසිය පවසයි.
අධික වර්ෂාවත් සමග පස් කන්ද කඩා වැටී ඇති බවයි පොලිසිය වැඩිදුරටත් සඳහන් කරන්නේ.
මෙසේ මිය ගොස් ඇත්තේ 46 හැවිරිදි තිදරු මවක්.
මිය ගොස් සිටින කාන්තාව මුළුතැන්ගෙයට තේ පිළියෙල කිරීම සඳහා සිය දියණිය සමග ගිය අවස්ථාවේ මෙම අනතුරට ලක්ව ඇති බව පොලිසිය පවසයි.
දියණියට අනතුරක් සිදුව නොමැති බවද පොලිසිය සඳහන් කරයි.
