World

අමෙරිකාවම කම්පා කල කළු ජාතික අහමඩ් ආර්බරි ගේ ඝාතනයට සුදු ජාතිකයින් තිදෙනා වරදකරුවන් කෙරේ

මුළු අමෙරිකාවම කම්පාවට පත්කළ අහමඩ් ආර්බරි ගේ ඝාතනය සම්බන්ධයෙන් එම චෝදනාව එල්ල වූ සුදු ජාතිකයින් තිදෙනා වරදකරුවන් බව ජුරිය විසින් පවසා තිබේ.

ඒ අනුව ග්‍රෙගරි මැක් මයිකල්, ට්‍රැවිස් මයිකල් සහ විලියම් රොඩී බ්‍රයන් ද්වේශ සහගතව එම කළු ජාතික තරුණයාව ඝාතනය කර ඇති බවට වරදකරුවන් කෙරිණි.

විත්තිකරුවන් තිදෙනාට ජීවිතාන්තය දක්වා සිර දඬුවම් ලැබෙතැයි අපේක්ෂා කෙරේ.

එවකට 25 හැවිරිදි වියේ පසුවූ අහමඩ් ආර්බරි ශාරීරික ව්‍යායාම කරමින් මාර්ගයේ දිව යමින් සිටියදී ඔහු පසුපස වාහනයකින් හඹා ආ විත්තිකරුවන් ඔහුට පහරදී වෙඩිතබා ඝාතනය කර තිබුණි.

2020 පෙබරවාරි 23 වනදා ජෝර්ජියා හි බ්‍රන්ස්වික් නම් ප්‍රදේශයේදී සිදුකර තිබූ එම වෙඩිතැබීම සිදුවන අවස්ථාව දැක්වෙන වීඩියෝවක් සමාජගත වීමත් සමගම එම ඝාතනය ජාතිවාදී ඝාතනයක් ලෙස අර්ථ දැක්විණි.

එම විත්තිකරුවන් තිදෙනාට දඬුවම් ප්‍රකාශයට පත්කරන දිනය විනිසුරුවරයා විසින් සඳහන් කර නොමැති බව ජාත්‍යන්තර මාධ්‍ය පැවසීය.

මෙම නඩු තීන්දුව සම්බන්ධයෙන් අදහස් දක්වමින් ජනාධිපත් ජෝ බයිඩන් පවසන්නේ, “මගේ පාලනය තුළ සැමදෙනාටම නීතියේ සමානාත්මතාව ඇතිකිරීමට කටයුතු කරනවා,” යනුවෙනි.

එකමුතුකම ඇතිකිරීම කරා සියලුදෙනා කටයුතු කිරීම වැදගත් බවද ඔහු පවසා තිබේ.

Related posts

ඉන්දියාවේ කොවිඩ් ආසාදිතයින් මිලියන 5 ඉක්මවයි

colombotoday

අඟහරුගේ පැති රූප චීනයේ ටියැන්වෙන්-1 නිකුත් කරයි

colombotoday

ඉතාලියත් සංක්‍රමණිකයන්ට දොර වහයි.. තොටුපොළවල් වසා දමයි.. බෝට්ටු සේවා අවහිර කරයි !

colombotoday

ඉන්දියාවට රික්ටර් මාපකයේ 5.7 ක භූ කම්පනයක්

Admin

දිවා සුරැකුම් මධ්‍යස්ථානයේ වෙඩි තැබීමෙන් 34ක් මරුට – මියගිය අය අතර ළමුන් 20කට වැඩි පිරිසක්

colombotoday

ග්‍රැමි සම්මානලාභී ජනප්‍රිය අමෙරිකානු ගායිකා ටීනා ටනර් දිවියට සමුදෙයි

Admin