ඖෂධ සහ වෙනත් වෛද්‍ය සැපයුම් රෝහල්වල හිඟ වීම සම්බන්ධයෙන් සොයා බලා කඩිනමින් විසඳුම් ලබාදීම සඳහා යයි කියමින් සෞඛ්‍ය අමාත්‍යංශයේ නව තනතුරක් ඇති කර තිබේ. ඒ, නියෝජ්‍ය අධ්‍යක්ෂ ජනරාල්, වෛද්‍ය සැපයුම් ලෙසයි.
මෙම නව තනතුර සඳහා ඊයේ (29) සිට කි‍්‍රයාත්මක වන පරිදි වෛද්‍ය කමල් ජයසිංහ මහතා පත්කර ඇත. ඔහු සෞඛ්‍ය ඇමති රාජිත සේනාරත්න මහතාගේ සමීපතම හිත මිතුරෙකි.
ඖෂධ සහ වෛද්‍ය සැපයුම් සම්බන්ධයෙන් මීට පෙර ප්රධාන බලධාරියා වූයේ සෞඛ්‍ය අමාත්‍යංශයේ වෛද්‍ය සැපයුම් අංශයේ අධ්‍යක්ෂවරයාය.
වෛද්‍ය ලාල් පනාපිටිය මහතා එම තනතුරෙහි තවදුරටත් කටයුතු කරයි.
කෙසේ වෙතත් ඊයේ (29) සිට කි‍්‍රයාත්මක නව තනතුර ඔහුට වඩා ඉහළින් පිහිටන එකකි.
ජාතික ඖෂධ නියාමන අධිකාරියේ සභාපතිවරයා ලෙස කටයුතු කල මහාචාර්ය ලාල් ජයකොඩි මහතාත්, එහි ප්රධාන විධායක නිළධාරිවරයා ලෙස කටයුතු කළ මහාචාර්ය ක්‍රිෂාන්ත වීරසූරිය මහතාත් ඉවත්කර, එහි සභාපතිවරයා ලෙස වෛද්‍ය අතුල කහඳලියනගේ මහතාද, ප්රධාන විධායක නිළධාරීවරයාවරයා ලෙස තම හිතමිත්‍ර වෛද්‍ය කමල් ජයසිංහ මහතාත් පත්කර ගැනීමට සෞඛ්‍ය අමාත්‍යවරයා මිට ඉහතදී උත්සහ කලද ජනාධිපතිගේ මැදිහත්වීම මත එය අසාර්ථකවිය.