කලින් ලබාදුන් ආකායට පොහෙර මිටිය රු. 350 ක සහන මිලට නැවත ලබාදෙන ලෙසත්, වී කිලෝවක් සඳහා සහතික මිලක් ලබාදෙන ලෙසත් ඉල්ලමින් අනුරාධපුර දිස්ත්‍රික්කයේ ගොවීහු දහසකට වැඩි පිරිසක් අද (2දා) කෘෂිකර්ම අමාත්‍ය දුමින්ද දිසානායක මහතාගේ නිවස වටලා උද්ඝෝෂණයක නිරත වූහ.
අනුරාධපුර මාර්කට් පෙදෙසේ සතොස ඉදිරිපිටින් පෙ.ව. 11.00 ට පමණ ආරම්භ කළ උද්ඝෝෂණය සහභාගී වූ පිරිස් අනුරාධපුර මහ වීදිය ඔස්සේ ඩී.එස්. සේනානායක වට රවුමට පැමිණ එතැන් සිට උසාවි වට රවුම කඩපනහ ඔස්සේ ගුවන් තොටුපල පාරේ පිහිටි කෘෂිකර්ම අමාත්‍යවරයාගේ ‘‘සැනසුම“ නිවස ඉදිරිපිටට ගොස් ප්‍රධාන ගේට්ටුව අවහිර කර උද්ඝෝෂණයේ නිරත වූහ.
පසුව විරෝධතා ව්‍යාපාරයේ සංවිධායකයන් හා කෘෂිකර්ම ඇමතිවරයා අතර දුරකත සාකච්ඡාවකින් අනතුරුව ගොවීහු විසිර ගියහ.
