ඥානසාර හිමි ඇතුළු 13කට එරෙහි නඩුවක් යලි විභාගයට ගන්නැයි නීතිපති අධිකරණයෙන් ඉල්ලු නඩුවේ පැමිණිලිකරුවන් ඇමරිකානු තානාපති කාර්යාලයේ සේවකයන් බව දැනගන්නට ඇත. පහරදී මංකොල්ල කෑම යන චෝදනා භික්ෂුන් වහන්සේලාට එරෙහිව එල්ලකිරීමට පැමිණිලිකරුවන් මෙහෙයවා ඇත්තේ ඇමරිකානු තානාපති නිලධාරීන් බවයි වැඩිදුරටත් අනාවරණය වන්නේ.
2008 වසරේ පල්ලියකට පහර දෙන ලදැයි යන චෝදනාවෙන් මහාධිකරණයෙන් නිදොස් කොට නිදහස් කරන ලද භික්ෂූන් වහන්සේ තිදෙනෙක් ඇතුළු 13 දෙනාට එරෙහිව මෙම නඩුව යළි විභාගයට ගන්නා ලෙස ඉල්ලා රජයේ නීතිපතිවරයා පසුගිය 1 වනදා අභියාචනාධිකරණයට ප්‍රතිශෝධන පෙත්සමක් ගොනු කළා.
පුජ්‍ය ගලගොඩඅත්තේ ඥානසාර හිමි ඇතුළු භික්ෂූන් වහන්සේලා තුන්නමක් හා ගිහියන් දස දෙනකුට එරෙහිව නීතිපතිවරයා පවරා තිබූ නඩුව විභාග කළ කොළඹ මහාධිකරණය මීට පෙර විත්තිකරුවන් සියලුදෙනාම නිදොස් කොට නිදහස් කරනු ලැබීය.