හම්බන්තොට ඉදිවෙමින් පවතින හම්බන්තොට රිසෝට් ඇන්ඩ් ස්පා එළඹෙන ජූනි 01 වන දින විවෘත කරන බව සමාගම ප්රකාශ කර සිටී. අක්කර 145 ක් පුරාවට විහිදුණු මෙම නිකේතනය, වෙරළට මුහුණ ලා ඉදිවුණු කාමර 300 කින් හා සිදුරු (Golf hole) 18 ක ගොල්ෆ් පිටියකින් සමන්විත අතිසුඛෝපභෝගී හෝටලයකි.
මේ සම්බන්ධයෙන් අදහස් දක්වමින් ෂැංග්‍රි-ලා හි සභාපති හා ප්‍රධාන විධායක, ග්‍රෙග් ටොගන් මහතා මෙසේ අදහස් දැක්වීය. “ශ්‍රී ලංකාව වේගයෙන් සංවර්ධනය වෙමින් පවතින රටක්. ඉන්දියානු සාගරයේ ඉතා සුන්දර තැනක පිහිටි ශ්‍රී ලංකාව වසර 2,000 කට අධික ඉතිහාසයකට හිමිකම් කියනු ලබනවා. එහි ස්වභාව සෞන්දර්ය අතිරමණීයයි. එසේම එහි ජනතාව අතිවිශිෂ්ටයි. ෂැංග්‍රි-ලා අතිසුඛෝපභෝගී නිකේතනය හම්බන්තොට ඉදිවන්නේ ඒ අනුවයි.“
මෙහිදී වැඩිදුරටත් අදහස් දක්වමින් ෂැංග්‍රි-ලා සභාපතිවරයා කියා සිටියේ ෆ්ලයි ඩුබායි හා රොටානා ජෙට් ගුවන් සේවයන් මත්තල මහින්ද රාජපක්ෂ ගුවන්තොටුපළ වෙත සෘජු ගුවන්ගමන් ක්‍රියාත්මක වන බැවින් ඉතා පහසුවෙන් ෂැංග්‍රි-ලා හම්බන්තොට රිසෝට් වෙත ළඟා විය හැකි බවයි. මත්තල ගුවන් තොටුපළේ සිට හෝටලයට ඇති දුර කිලෝමීටර 35 කි.
මේ අතර කොළඹ ගාලු මුවදෙර ඉදිවන ෂැංග්‍රි-ලා හෝටලය2017 වසරේ දී විවෘත කිරීමට නියමිත බව සමාගම වැඩිදුරටත් ප්රකාශ කර සිටී.
AdaderanaBiz