මෙරට වෙළඳපලේ වර්තමානය වන විට වාරහන මිල ගනන් විශාල ලෙස ඉහල ගොස් තම කර්මාන්තය කඩා වැටෙන තත්වයට පත්ව ඇති බව ලංකා වාහන ආනයනකරුවන්ගේ සංගමය පවසයි.
එහි සම සභාපති කෝකිල දීකිරිවැව මහතා පවසන්නේ ටොයෝටා ඇක්වා මෝටර් රියක් අද ලක්ෂ 48 ක්, ප්‍රියස් රථයක් ලක්ෂ 59 ක්, හොන්ඩා ෆිට් රියක් ලක්ෂ 49-50ක්, වෙසල් රථයක් ලක්ෂ 70ක් ණ මිලක් දක්වා ඉහල ගොස් ඇති බවයි.
පසුගිය මාසවලදීද වාහන වෙලඳපල විශාල වශයෙන් කඩා වැටුනු බවත් දිගටම රුපියල බාල්දු වීම මීට ප‍්‍රධාන වශයෙන් බලපා ඇතැයිද පවසන සම සභාපතිවරයා රේගු තක්සේරුවේදීද ඉහළ මිලක් නියම කිරීමද බලපා ඇතැයිද කියා සිටියේය.
මේ අතර විදුලි මෝටර් පැනවූ විශාල බද්ද හේතුවෙන් එම වාහන අලෙවිය මුළුමනින්ම බිඳ වැටී ඇතැයිද පවසන ඔහු අද වන විට නිසාන් ලීෆ් රියක් රුපියල් ලක්ෂ 50ක් පමණ වන්නේ යයිද පැවසීය.
මේ අතර වාහන ආනයනකරුවන්ගේ සංගමයේ සභාපති සම්පත් මෙරින්චිගේ මහතා පවසන්නේ මෙරටට වාහන ආනයනය තිරීම තවත් මාස කිහිපයක් යන තුරු අත්හිටුවන බවයි.