Colombo Today Local News

කොළඹ මහනගර සභාවේ මන්ත්‍රී කුලතිස්ස ගීකියනගේ ඇතුළු දස දෙනෙක්ට වරෙන්තු.

කොළඹ මහනගර සභාවේ මන්ත්‍රී කුලතිස්ස ගීකියනගේ ඇතුළු සැකකරුවන් දස දෙනෙකු නඩු විභාගයක් සඳහා අධිකරණය හමුවේ පෙනී නොසිටීම හේතුවෙන් ඔවුන් අත්අඩංගුවට ගෙන ඉදිරිපත් කරන ලෙස දන්වා කොළඹ ප්‍රධාන මහෙස්ත්‍රාත් මොහොමඩ් මිහාර් මහතා විසින් වරෙන්තු නිකුත් කර තිබේ.

2018 වසරේ ඛනිජ තෙල් නීතිගත සංස්ථා පරිශ්‍රය තුළට අයුතු ලෙස ඇතුළු වී නීති විරෝධී ජන රාශියක් වශයෙන් ක්‍රියා කළේ යැයි සැකකෙරෙන නඩුව අද (18)දින කැඳවනු ලැබූ අවස්ථාවේ දී සැකකරුවන් හෝ ඔවුන්ගේ ඇපකරුවන් අධිකරණයේ පෙනී නොසිටි ඇත.

ඒ අනුව එම සැකකරුවන් අත්අඩංගුවට ගෙන අධිකරණයට ඉදිරිපත් කරන ලෙස දන්වා ප්‍රධාන මහෙස්ත්‍රාත්වරයා විසින් වරෙන්තු නිකුත් කර තිබේ.

එම නඩුව කැඳවනු ලැබූ අවස්ථාවේදී එහි පැමිණිලිකරු වන හිටපු පාර්ලිමේන්තු මන්ත්‍රී අර්ජුන රණතුංග මහතා අධිකරණය හමුවේ පෙනී සිටියේය.

අනතුරුව නඩුව අප්‍රේල් මස 23 වනදා කැඳවීමට නියම කළේය.

Related posts

රියදුරු බලපත්‍ර මුද්‍රණය ශ්‍රී ලංකා යුද හමුදාවට

colombotoday

හංවැල්ලේදී පුද්ගලයෙකුට පහර දී මරා දාලා

Admin

උසස් පෙළ නැවත සමීක්ෂණ ප්‍රතිඵල නිකුත් වෙයි

Admin

ක්‍රිකට් තරඟ පාවාදීමට ක්‍රීඩකයින් සම්බන්ධ නෑ කියලා මම පැහැදිලිව කිවුවා.. පනත වැරදියි.. පොලීසිය වැරදි පරීක්ෂණයක් ආරම්භ කරලා-මහින්දානන්ද

colombotoday

රුපියල් මිලියන 75 ක් ලැබුන විදිහ දන්නේ නැ – හිටපු ඇමැති විමල්ට අධි චෝදනා

colombotoday

අලුත් අවුරුද්දට පෙර සහන නොලැබුනොත් බේකරි නිෂ්පාදනවල මිල ඉහළට

colombotoday