කුරහන් තලප කා පුරුදු තමන්ට ආප්ප න්‍යාය පුරුදු නැති බව හිටපු ජනාධිපති මහින්ද රාජපක්ෂ මහතා පවසයි. ආප්ප න්‍යාය තෝරාගැනීමට නොහැකිවීම නිසා තමාට වැරදුණු බව හිටපු ජනාධිපතිවරයා කියා සිටියේ අද(26)කුලියාපිටිය ප්‍රදේශයේ පැවති රැස්වීමක් ආමන්ත්‍රණය කරමිනි.
තමන් මහින්දෝදය නමින් විද්‍යාගාර 1000ක් ස්ථාපිත කළ බවත්,මහින්දෝදය යනු තමාගෙ නම නොවන බැවින් ඒම බෝඩ් ලෑලි ගලවා හෝ එම පාසල්වල දරුවන්ට එම සම්පත් ප්‍රයෝජනයට ගැනීමට ඉඩදිය යුතු බව ඔහු සඳහන් කළේය.
මේ රජය වෙන කිසිවක් නොකොට එෆ්.සී.අයි.ඩී හා සී.අයි.ඩී සරණං ගච්චාමි කියමින් ඒවා සරණ යමින් සිටින බවත්,පුද්ගලයින් රිමාන්ඩ් බන්ධනාගාර ගත කළද ජනතාවගේ මනස රිමාන්ඩ් ගත කළ නොහැකි බවත් හෙතෙම අවධාරණය කළේය.