ලොව පළමු වරට ඌරෙකුගේ වකුගඩුවක් සාර්ථව මිනිසෙකුට බද්ද කිරීමට ඇමරිකාවේ වෛද්‍යවරුන් පිරිසක් සමත්ව ඇත.
අදාල වකුගඩුව බද්ද කිරීම ඇමරිකාවේ නිව්යෝක් නගරයේ වෛද්‍ය විද්‍යාලයක සිදුකර ඇති අතර ඒ සඳහා ජානමය වශයෙන් වැඩිදියුණු කළ ඌරකුගේ වකුගඩුවක් යොදාගෙන තිබේ.
ඒ අනුව මෙම බද්ද කිරීමෙන් පසුව වකුගඩුව මිනිස් සිරුර මගින් ප්‍රතික්ෂේප කිරීමක් පෙන්නුම්කොට නොමැති බව ද වෛද්‍යවරුන් ප්‍රකාශ කර ඇත.
වකුගඩුව බද්ද කිරීමට ලක්වු තැනැත්තිය මොලය මියයෑමකට ලක් පසුව වකුගඩුද අකර්මණ්‍ය වූ කාන්තාවක් වන අතර ඇගේ පවුලේ සාමාජිකයන් සැත්කමට එකඟතාව පළ කර තිබිණි.
අදාල වකුගඩුව දින තුනක කාලයක් බද්ද කර තබා ඇති අතර එම කාලයේදී සාමාන්‍ය වකුගඩු බද්ද කිරීමක් ලෙස එය ක්‍රියාත්මකව ඇති බව වෛද්‍යවරුන් ප්‍රකාශ කර ඇත.
ඒ අනුව මූලික පර්යේෂණ සාර්ථක බවත් ඉදිරියේදී වැඩිදුරටත් පරීක්ෂා කිරීම් මගින් ඌරන්ගේ අවයව මිනිසාට බද්ද කිරීම් සාර්ථක කර ගැනීමට හැකිවනු ඇති බවද වෛද්‍යවරුන් විශ්වාසය පළකරයි.