ශ්‍රී ලාංකිකයන් වශයෙන් ක්‍රීඩාවෙන් හා විවිධ ක්ෂේත්‍රවලි දක්ෂතා දැක්වූ ජාතියක් ලෙස පළාත් වශයෙන් බෙදී වෙන්වී කටයුතු නොකළ යුතු බව ජනාධිපති මෛත්‍රීපාල සිරිසේන මහතා අවධාරණය කරයි.
යාපනේ දොරේඅප්පා ක්‍රීඩාංගණයේ පැවති 27 වන ජාතික මහා ක්‍රීඩා උළෙලේ සමාප්ති උත්සවයට සහභාගී වෙමින් ජනාධිපතිවරයා මේ බව පැවසීය.
“අපි සැමදේම කළ යුත්තේ එකම රටක් විදිහටයි. මේ පළාත් නමය අපට දුන්නේ මෙතන ඉන්න කවුරුත් නෙවෙයි. එංගලන්තේ මහ රජ්ජුරුවො. එනිසා එංගලන්තේ ජෝර්ජ් රජ්ජුරුවො දුන්න පළාත් නමයකට අපි රණ්ඩු වෙන්න ඕ නෑ“ යනුවෙන්ද ජනාධිපතිවරයා පැවසීය. මෙම අවස්ථාවට උතුරු පළාත් ප්‍රධාන අමාත්‍ය සී.වී. විග්නේෂ්වරන් මහතාද සහභාගී වී සිටියහ.