අනුරාධපුර සමාජශාලා හිමිකරුවෙකු වූ කරාතේ ශූර වසන්ත සොයිසා ඝාතනයේ ප්‍රධාන සැකකරු වන ඉරෝන් රණසිංහ හෙවත් එස්.එෆ් ලොක්කා අනුරාධපුර පොලීසිය මගින් අත්අඩංගුවට ගෙන තිබේ.
වාහනයක් කොල්ලකෑමේ සිද්ධියක් සම්බන්ධයෙන් ඔහුව මෙලෙස අත්අඩංගුවට ගත් බව අනුරාධපුර පොලීසිය සඳහන් කරසිටියි.
අනුරාධපුරය – දහයියාගම ප්‍රදේශයේදී සැකකරු අත්අඩංගුවට ගන්නා විට ඔහු සන්තකයේ තිබී අත්බෝම්බයක්ද සොයාගෙන ඇත.
වසන්ත සොයිසා ඝාතන සිද්ධියට අදාළ ඔහු වසරකට අධික කාලයක් රක්ෂිත බන්ධනාගාර ගතව සිට පසුගිය පෙබරවාරි මස 9 දා ඇප මත මුදාහැරීමට අනුරාධපුර මහාධිකරණය නියෝග කළේය.