මහින්ද රාජපක්ෂ පාලනය පෙරළා දැමුවත් දේශපාලන වෙනසක් කිරීමේ අවශ්‍යතාවය වර්තමාන ආණ්ඩුවේ අමාත්‍යවරුන්ට නොමැති බවත්, දූෂණයට පුරුදු ඇමතිවරු තම රාජකාරිය ආරම්භ කර ඇති අතර ඔවුන් පිළිබදව තමා අගමැතිවරයාට පැවසූ නමුත් අගමැති හා ජනපති ඒ සම්බන්ධයෙන් දක්වල පිළිවෙත සෑහීමකට පත්විය නොහැති බවත් මහාචාර්ය සරත් විජේසූරිය මහතා පවසයි.
සාධාරණ සමාජයක් සදහා වූ ජාතික ව්‍යපාර කැදවා තිබූ මාධ්‍ය හමුවක් අමතමින් ඔහු මේ බව පැවසීය.
අදාල පුද්ගලයන් ඇමති තනතුරුවලින් ඉවත්කළ නොහැකිනම් වගකීම් සහිත අමාත්‍යාංශ ඔවුනට ලබා නොදීමට වහාම අමාත්‍ය මණ්ඩල සංශෝධනයක් සිදුකළ යුතු බව ජනපතිවරයාට සහ අගමැතිවරයාට තමන් දැනුම් දෙන බවද ඔහු පැවසීය.
යහපාලනය යටතේ ඇමතිධූර අරගෙන යහපාලනයට විනකරන අමාත්‍යවරුන්ට වඩා තමනට යහපාලනය ආරක්‍ෂා කිරීමට අයිතියක් ඇති බවත් ආණ්ඩුව නිවැරදි පාරට ගෙන ඒම තමන් දන්නා බවත් ඔහු වැඩිදුරටත් කියා සිටියේය.