Colombo Today Local News

TNA ගොරණාඩුවට ජනපති සැලෙයි.. වව්නියාව රණවිරු ගම්මානය මගහැර යාපනේට ගුවනින් බහී

State_Minister_declares_open_Sanhindiyawe_Sathvirugama023

 

වව්නියාව කොක්එළියේ ඉදිකරන ලද “සන්හිඳියාවේ සත්විරුගම” රණවිරු නිවාස ව්‍යාපෘතිය පසුගිය 03 වනදා ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ප්‍රතිලාභීන්ට ප්‍රධානය කිරීමට සියළු කටයුතු සංවිධානය කර තිබුණත් අවසාන මොහොතේ ජනාධිපතිවරයා එම අවස්ථාවට සහභාගී නොවීමට තීරණය කර ඇත.

ආරක්ෂක අමාත්‍යාංශය යටතේ ක්‍රියාත්මක වන ‘අපි වෙනුවෙන් අපි’ ව්‍යාපෘතිය යටතේ වව්නියාව කොක්එළියේ ඉදිවුණු සියළු යටිතල පහසුකම් වලින් යුතු වූ මෙම නිවාස ව්‍යාපෘතිය යටතේ සංහිඳියාව වර්ධනය කිරීමේ අරමුණින් දමිළ ජාතික කාන්තා සෙබළියන් මෙන්ම දමිළ ජාතික කාන්තාවන් විවාහ කරගත් ආරක්‍ෂක අංශ සාමාජිකයින්ටද නිවාස හිමිකම් ලබාදී ඇත.

උතුරේ සිංහල ජනපද ඉදිකරණ බවට චෝදනා කරමින් ද්‍රවිඩ ජාතික සන්ධාන මන්ත්‍රී පිරිසක් පසුගිය 24 දා උතුරු පළාත් සභාවේදී මෙම නිවාස ව්‍යාපෘතියට එරෙහිව දැඩි විරෝධයක් දැක්වූ අතර සභාවේ බහුතරයක් මන්ත්‍රීවරු එම විරෝධයට සහය පලකර තිබිණි.

මෙම නිවාස ව්‍යාපෘතියට එරෙහිව දිගින් දිගටම ද්‍රවිඩ සන්ධානයෙන් විරෝධය එල්ලවීම හේතුවෙන් එය විවෘත කිරීමේ අවස්ථාවට ජනපතිවරයාගේ සහභාගී වීම අවලංගු කර ඇති අතර ජනපතිවරයා වෙනුවට එම උත්සවය රාජ්‍ය ආරක්ෂක අමාත්‍යවරයා සහ ආරක්ෂක ලේකම්වරයාගේ ප්‍රධානත්වයෙන් පැවැත්විණි. ජනපතිවරයා රැගත් හෙලිකොප්ටර් යානය කොක්එළිය රණවිරු ගම්මානය අසලින් යාපනය බලා පියාසර කර ඇති අතර එදින ජනපති සිරිසේන මහතා යාපනයේ ඉදිවූ ජෙට්වින්ග් සුඛොපභෝගී සංචාරක හෝටලය විවෘත කිරීම සහ තවත් උත්සව කිහිපයකට සහභාගී වීය.

State_Minister_declares_open_Sanhindiyawe_Sathvirugama_20160404_03p17

Related posts

ආසියාවේ හොඳම මුදල් ඇමති වූ නිසයි මාව ගැලෙව්වේ. – රවී කරුණානායක කියයි

colombotoday

ජාතික ලැයිස්තුවෙන් පැමිණි දෙතුන් දෙනෙක් පක්ෂය විනාශ මුඛයට ඇද දමා තිබෙනවා – පාර්ලිමේන්තු මන්ත්‍රී රවී කරුණානායක මහතා.

colombotoday

ඉස්ලාමීය අන්තවාදය පරාජය කිරීමට රජයට සහ ඉස්ලාමීය සමාජයට විශේෂ යෝජනාවලියක්

colombotoday

මෝටර් රථ අනතුරෙන් ඌව සරසවියේ කථිකාචාර්යවරුන් 5 කට තුවාල

colombotoday

කැලණි ගගේ ජල මට්ටම පහලට

Admin

රුපියල් ලක්ෂ 21ක් වංචා කල ගණකාධිකාරිවරයකුට වසර 367ක සිරදඩුවමක්

colombotoday