World

අමෙරිකාවෙන් තලෙබාන් සංවිධානයට අනතුරු අඟවීමක්

කුමන ප්‍රහාර එල්ල වුවද ඇෆ්ගනිස්තානයේ ක්‍රියාත්මක මුදාගැනීමේ මෙහෙයුම් අඛණ්ඩව ක්‍රියාත්මක කරන බව අමෙරිකානු ජනාධිපති ජෝ බයිඩන් පවසයි.

එම මෙහෙයුම අතරමඟ නතරකිරිමේ බලාපොරොත්තුවක් නොමැති බව අමෙරිකානු ජනාධිපතිවරයා සඳහන් කළේය.

ත්‍රස්ත ප්‍රහාර හමුවේ එම මෙහෙයුම් කඩාකප්පල් කිරිමේ හැකියාවක් නොමැති බවත් ත්‍රස්තවාදීන්ට මේ සඳහා වන්දිගෙවීමට සිදුවනු ඇති බවද අමෙරිකානු ජනාධිපති ජෝ බයිඩන් අනතුරු අඟවා තිබේ.

තලෙබාන් සටන්කාමීන් විසින් ඇෆ්ගනිස්තානය අත්පත් කරගැනීමෙන් අනතුරුව පසුගිය 15 වනදා සිට මේ දක්වා අමෙරිකාව විසින් පුද්ගලයින් ලක්ෂයක පමණ පිරිසක් ගුවන් මගින් ඉවත්කර ඇති බව වාර්තා වෙයි.

ලබන අඟහරුවාදා දිනයේ මුදා ගැනීමේ කටයුතු අවසන් කිරිමට අමෙරිකාව සැලසුම්කර තිබේ.

ඊයේ දිනයේදී කාබුල් නුවර, ජාත්‍යන්තර ගුවන්තොටුපොළ අසල සිදුකළ මරාගෙන මැරෙන ප්‍රහාර දෙකකින් අමෙරිකානු හමුදා සෙබළුන් 13 දෙනෙකු ඇතුළු විශාල පිරිසක් මියගොස් තිබුණි.

මේ අතර ඇෆ්ගනිස්ථානයේ පවතින නොසන්සුන් වාතාවරණය සම්බන්ධයෙන් සාකච්ඡා කිරීම සඳහා ආරක්ෂක මණ්ඩල සාකච්ඡාවක් කැඳවීමට එක්සත් ජාතීන්ගේ සංවිධානයේ මහලේකම් ඇන්ටෝනියෝ ගුටේරස් විසින් පියවර ගෙන තිබේ.

එහි ස්ථිර සාමාජික රටවල් වන අමෙරිකාව, බ්‍රිතාන්‍ය, ප්‍රංශය, රුසියාව සහ චීනය යන රටවල් සඳහා ආරාධනා කරමින් ඊයේ දිනයේ මහලේකම්වරයා විසින් ලිපි යවා ඇති බව විදෙස් මාධ්‍ය වාර්තා කළේය.

ඒ අනුව ලබන සඳුදා එම සාකච්ඡාව සිදුකිරීමට නියමිතව තිබේ.

තලෙබාන් සංවිධානය ඇෆ්ගනිස්තානයේ බලය අත්පත් කරගැනීමට පෙර පසුගිය 16 වනදා ආරක්ෂක මණ්ඩලය අවසන් වරට රැස්විය.

Related posts

ගාසා රෝහල් දෙකකට ඊශ්‍රායලයෙන් ප්‍රහාර

Admin

ජේඩ් පතලේ අනතුරින් පුද්ගලයන් 160ක් මියයි

colombotoday

අමෙරිකාව උතුරු කොරියාවෙන් ගේම ඉල්ලයි – බී52 ප්‍රහාරක යාන කොරියාවට උඩින් යවයි [Video]

colombotoday

පාකිස්තානයේ කරච්චි නගරයේ භූ චලනයක්

colombotoday

“ට්‍රම්ප්ට අකමැතිනම් ඇමරිකාවෙන් පලයල්ලා !“ අධිකරණ විනිසුරුවරයෙක් සංක්‍රමණිකයන්ට කියයි

colombotoday

සමාජ දුරස්ථභාවය පිළිබඳ නීති හේතුවෙන් නවසීලන්ත අගමැතිනිය අවහන්හලකින් දොට්ට

colombotoday