Colombo Today Local News

25,000 දඩය 50,000 වෙයි.. වසර දහයක සිර දඩුවමකුත් නිර්දේශ වෙයි !!

රථවාහන වරදවල් සදහා රුපියල් 25,000ක් ලෙස 2017 අය – වැය මගින් යෝජනා කර තිබූ දඩ මුදල් රුපියල් 30,000 සිට රුපියල් 50,000 දක්වා වැඩි කිරීමට ඒ සදහා සෙයා බැලීමට පත් කළ කමිටුව නිර්දේශ කර තිබේ.

අය – වැය යෝජනා මගින් නියම කල දඩ මුදල්වලට බස් සංගම් හා ත්‍රීරෝද රථ සංගම් දැඩි විරෝධතාවක් පළ කරමින් පසුගිය දෙසැම්බර් මසදී දීප ව්‍යාප්ත වර්ජනයක් ක්‍රියාත්මක කිරීමෙන් පසුව ජනාධිපතිවරයා විසින් ඒ පිළිබද සොයා බලා නිර්දේශ ඉදිරිපත් කිරීමට මෙම කමිටුව පත්කරනු ලැබීය.

රියැදුරු බලපත් නොමැතිව රිය ධාවනය, රියැදුරු බලපත් නොමැත්තන් සේවා නියුක්ත කිරීම, මත්පැන් හෝ මත්ද්‍රව්‍ය භාවිත කර රිය පැදවීම, අපරික්ෂාකාරීව රිය දුම්රිය මාර්ගයකට ඇතුළු කිරීම, වලංගු රක්ෂණ ආවරණයක් නොමැතිව රිය පැදවීම යන වැරැදි සම්බන්ධයෙන් රුපියල් 25,000 සිට රුපියල් 50,000 දක්වා දඩ මුදල් අයකර ගත යුතු යැයි එම කමිටුව නිර්දේශ කර තිබේ.

එමෙන්ම දඩ මුදල්වලට අමතරව මාස 3 සිට වසර 10 දක්වා බන්ධනාගාරගත කිරීම, රියැදුරු බලපත්‍රය අත්හිටුවීම හෝ අවලංගු කිරීම සඳහා වූ නෛතික ප්‍රතිපාදනද කමිටුව යෝජනා කර ඇත.

මේ කමිටු වාර්තාව ලබන මස මුල් සතියේදී ප්‍රවාහන අමාත්‍යවරයා විසින් කැබිනට් මණ්ඩලයේ අනුමතය සඳහා ඉදිරිපත් කිරීමට නියමිතය.

Related posts

අශෝක් ස්ටීල් සහ ආර්.එස් ස්ටීල් බාල කම්බි නිසා පාරිභෝගික අධිකාරිය අසල නොසන්සුන් වෙයි

colombotoday

හම්බන්තොට තෙල් පිරිපහදුව වැඩබැරි සමාගමකට… ජනපතිවරණයට දින දෙකක් තිබියදී හොර රහසේ ගිවිසුම අත්සන් කරයි !

colombotoday

මාකොළ හෙරොයින් ජාවාරම්කරුවන් රුපියල් 350,000ක් සමග STF අත්අඩංගුවට

colombotoday

මැටි වලන් වලට හොඳ කලක්

colombotoday

මන්ද මානසික සඳරුවන් සේනාධීරගේ Lanka e News මඩ අඩවියට බොදු බලෙන් පිළිතුරු

colombotoday

එජාප තනි ආණ්ඩුවක්…!! ජනපතිත් එකගයි. නිදහස් පක්ෂ ඇමතිවරු ඉල්ලා අස්වීමට සුදානම්

colombotoday