වත්මන් ආණ්ඩුව දේශපාලනික වශයෙන් තමාගෙන් පලිගැනීම් නිසා දැඩි කළකිරීමට පත්ව සිටින බව ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ මහතා පවසයි.
පොලිස් මූල්‍ය අපරාධ විමර්ශන කොට්ඨාසයට (FCID) පැමිණ ඊයේ (17) ප්‍රකාශයක් ලබාදීමෙන් පසු මාධ්‍යවේදීන් නැගූ ප්‍රශ්නවලට පිළිතුරු දෙමින් ඔහු මේ බව සඳහන් කළේය. සදහිරු සෑයේ ධාතු තැන්පත් කිරීමේදී අක්‍රමිකතාවක් සිදුව ඇතැයි කියමින් ප්‍රශ්න කිරීම සදහා ඔහු මූල්‍ය අපාරාධ කෝට්ඨාසයට කැදවා තිබිණි.
මීළග ජනාධිපතිවරණට එන්නේද කියා තමන්ගේ අදහසක් නැති බවද රාජපක්ෂ මහතා කියා සිටියේය.
තමන් රාජකාරියට සාධාරණය ඉෂ්ඨ කල නිලධාරියෙකු බවත්, රටට මෙතරම් සේවයක් කර තිබියදී දිගින් දිගටම සිදුවන මෙවැනි දෑ සම්බන්ධයෙන් දැඩි කළකිරීමට පත්ව සිටින බවත් ඒ මහතා වැඩිදුරටත් පැවසීය.