Colombo Today Local News

ඊයේ ගෑස් කාන්දුවීම් ආශ්‍රිත පිපිරීම් 21ක්.

2021 ජනවාරි 01 වැනිදා සිට දෙසැම්බර් 01 වැනිදා තෙක් කාලයේ ගෑස් ආශ්‍රිත පිපිරීම් හා ගිනි ගැනීම් ඇතුළු සිදුවීම් 131 ක් වාර්තා වී තිබෙන බව ගෑස් සිලින්ඩර් ආශ්‍රිත ගිනිගැනීම් හෝ පිළිබඳ විමර්ශනය කිරීම හා ඒ පිළිබඳ විසඳුම් සෙවීමේ ජනාධිපති කමිටුව සිය වාර්තාව මගින් අනාවරණය කර තිබේ.

මෙම වාර්තාවට අනුව ගෑස් සිලින්ඩරයට සුළු හානි සිදුවීම් 05 ක්, ගෑස් සැපයුම් නළයට හානි සිදුවීම් 09 ක්, රෙගියුලේටරයට හානි සිදුවීම් 10 ක්, ගෑස් ළිපෙහි මුහුණත වීදුරුව බිඳීයාම් හා ගෑස් ළිප් පුපුරායාම් 56 ක්, ගෑස් කාන්දුවීම් 47 ක්, අධික තාපය හේතුවෙන් සිදුවූ අනතුරු 04 ක් වශයෙන් සිදුවීම් 131 ක් වාර්තා වේ.

මේ අතර දිවයිනේ විවිධ ප්‍රදේශවලින් ගෑස් කාන්දුවීම් ආශ්‍රිත පිපිරීම් 21ක් ඊයේ (02)දින වාර්තා විය. එම පිපිරීම් වේයන්ගොඩ, පල්ලේවෙල, නොරොච්චෝලෙයි, ගාල්ල, පෝද්දල, නුවරඑළිය, දිඹුලාගල, පූජාපිටිය ගම්පහ, කාත්තාන්කුඩි, මහවිලච්චිය, හෝමාගම, ගෝණපිංවල, අම්බලන්ගොඩ, කින්නියා, වාද්දුව, මීගමුව සහ මිද්දෙනිය යන ප්‍රදේශවලිනි.

වේයන්ගොඩ හීන්දෙනිය සහ පල්ලේවෙල හංසගිරිය ප්‍රදේශයේ නිවාස දෙකකත් ගාල්ල වරායේ බෝට්ටුවකුත් කල්පිටිය නොරොච්චෝලයි ප්‍රදේශයේ ආපනශාලාවකත් තිබූ ගෑස් කාන්දු හේතුවෙන් පිපිරීම් සිදුව ඇත. වව්නියාව වේරගම, නුවරඑළිය බඹරකැලේ, පූජාපිටිය, රඹුක්වෙල, ගාල්ල පෝද්දල ප්‍රදේශවල නිවාසවලද ගෑස් ළිප් පිපිරීමට ලක්ව තිබේ. දිඹුලාගල දලුකාන ආදිවාසී ගම්මානයේ නිවාසයක ද ගෑස් ළිපක් පිපිරීමට ලක්ව ඇත.

එමෙන්ම ගම්පහ කොස්ඕවිට, හෝමාගම දෙහිගහවත්ත, කාත්තාන්කුඩි, මදන්ෆාම්, මහවිලච්චිය මන්නාරම් හංදිය ප්‍රදේශවල නිවාස 04 ක් සහ ගෝණපිංවල ප්‍රදේශයේ අවන්හලකද ඊයේ (02)දින ගෑස් ළිප් පිපිරීම් සිදුව ඇත. මීගමුව මංකුලිය, අම්බලන්ගොඩ රන්දෝඹේ, ගාල්ල මිද්දෙනිය, වාද්දුව එගොඩවැලෑගම නිවාස හතරක්, කින්නියා පොලිස් වසමේ නිවාස තුනකත් ගෑස් ආශ්‍රිත පිපිරීම් සිදුව ඇත.

කෙසේ වෙතත් දිවයින පුරා පොලිස් ස්ථාන මට්ටමින් එවන ලද වාර්තාවන්ට අනුව පෙරේදා (01දා) ගෑස් කාන්දු ආශ්‍රිත පිපිරීම් හා ගිනි ගැනීම් 35 ක් වාර්තා වී ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතිඥ නිහාල් තල්දූව පැවසීය.

ආරක්ෂක අමාත්‍යාංශයේ වාර්තාවකට අනුව පසුගියදා ගෑස් කාන්දු ආශ්‍රිත පිපිරීම් 30 ක් සිදුව තිබූ අතර පෙරේදා වනවිට එය 46 ක් දක්වා ඉහළ ගියේය. ඊයේ (02)දින වාර්තා වූ පිපිරීම් 21 ද සමගින් එය හැට හත දක්වා ඉහළ ගියේය.

Related posts

2030 වනවිට ඉන්දු – ශ්‍රී ලංකා විදුලිබල ජාල ඒකබද්ධ කිරීමට තීරණයක්

Admin

කාත්තන්කුඩියත් වෙනස් වෙයි, හිස්වැසුම් නැති යතුරුපැදි චන්ඩින් හෙල්මට් භාවිතයට පෙලඹේ..!

colombotoday

ලිට්‍රෝ ගෑස් සමාගමෙන් ගෘහස්ථ ගෑස් සිලින්ඩර පිළිබඳ නිවේදනයක්

colombotoday

හෙට රජයේ නිවාඩු නෑ

colombotoday

දෙහිවල බෝම්බයට වසර 25යි. – මියගිය සිවිල් වැසියන්ට පිං පැමිණවීම 24 සවස 6ට දෙහිවල දුම්රියපොලේදී

colombotoday

සැකකරුවන්ට එරෙහිව චෝදනා ගොනු කිරීම සඳහා කොමිසමට ඉදිරිපත්වුනු ඇතැම් ප්‍රකාශ නීතිපති ඉල්ලයි

colombotoday