Colombo Today Local News

වැලිකඩ බන්ධනාගාරයේ රැඳවියෙක්ට මත්ද්‍රව්‍ය දෙන්න ආ බවට සැක අයෙක් අත්අඩංගුවට

වැලිකඩ බන්ධනාගාරයේ රදවා සිටි සිරකරුවෙකුට මත්ද්‍රවය ලබා දීමට පැමිණි බව කියන පුද්ගලයෙකු බොරැල්ල පොලිසිය විසින් අද (13)දින අත්අඩංගුවට ගෙන තිබේ.

වැලිකඩ බන්ධනාගාර පරිශ්‍රය මුහුණ ලා ඇති බේස්ලයින් මාවතේ පදික වේදිකාවේ සිට පුද්ගලයෙකු ඔත්තු බලමින් සැකකටයුතු ලෙස හැසිරෙමින් සිටින බව බන්ධනාගාර වැඩ කණ්ඩායම් භාරව සිටි නිලධාරියෙකු බන්ධනාගාර අවි අංශය දැනුවත් කර ඇති බවත් ඒ අනුව මෙම පුද්ගලයා නිලධාරීන් භාරයට ගත් බවත් බන්ධනාගාර කොමසාරිස් (පාලන) මාධ්‍ය ප්‍රකාශක චන්දන ඒකනායක මහතා පවසයි.

බන්ධනාගාර අවි අංශ නිලධාරි කණ්ඩායම එම පුද්ගලයා රැදී සිටි ස්ථානයට යන විට එම තැනැත්තා බේස්ලයින් මාර්ගය හරහා කැම්බල් ක්‍රීඩාංගනය දෙසට දිව ගොස් ඇති අතර, නිලධාරි කණ්ඩායම සැකකරු පිටුපස ලුහුබැද ගොස් අත්අඩංගුවට ගෙන ඇති බවත් හෙතෙම සඳහන් කරයි.

පසුව සිදුවීම සම්බන්ධව සැකකරුගෙන් ප්‍රශ්ණ කිරිමේ දී මොහු කොළඹ ප්‍රදේශයේ පදිංචි කරුවෙකු බවත් වැලිකඩ බන්ධනාගාරයේ රදවා සිටි සිරකරුවෙකුට මත්ද්‍රවය ලබා දීමට පැමිණි බවත් පාපොච්චාරනය කර ඇතැයි ද මාධ්‍ය ප්‍රකාශකවරයා සඳහන් කරයි.

සැකකරු සෝදිසි කිරිමේදී පාපොච්චාරණය කල ආකාරයට කිසිදු මත්ද්‍රව්‍යක් හමු වී නොමැති අතර, ජංගම දුරකථනයක් පමණක් ඔහු සන්තකයේ තිබී අත්අඩංගුවට ගත් බව ද හෙතෙම පවසයි.

ඒ අනුව ඉදිරි විමර්ෂන කටයුතු සඳහා මෙම සැක කටයුතු පුද්ගලයා බොරැල්ල පොලීසියට බාරදුන් බවද ඔහු වැඩි දුරටත් සදහන් කරයි.

Related posts

දුර ගමන් සේවා දුම්රිය ධාවනය යළි ඇරඹේ.

colombotoday

ක්‍රීඩා අමාත්‍යංශයේ වියදමින් නොර්වේ ගිය මල්ලවපොර කළමනාකරු අතුරුදන්

colombotoday

වික්ටෝරියා ජලාශය ආසන්නයේ නව භූ කම්පන මාන 10ක්

colombotoday

ඉන්දියාවෙන් එන අලුත්ම කෝච්චිය මෙන්න

colombotoday

කැලණිය සරසවියේ නවක වධයක් ගැන පොලිසියට පැමිණිල්ලක්

Admin

කෝටි දෙකකට අධික බීඩි කොළ ඉලන්තඩිය වෙරළේදී අල්ලයි

Admin