තමාගේ බේරුවල නගර සභාවේ එක් කොට්ඨාසයක් හත් සැරයක් ගණන් එජාපය පැරදුණේ එක් ඡන්දයකින් යැයි අමාත්‍ය රාජිත සේනාරත්න මහතා පවසයි.
තමා සමග කැම්පේන් කළ හිටපු නගරාධිපතිවරයා අනිත් පැත්තට ගොස් ඡන්දය ඉල්ලූ නිසා ඔහුගේ සහයෝය නොලැබුණු බැවින් පරාජයට පත්වූ බවද ඇමතිවරයා කියා සිටී.
බේරුවල නගරසභාව ශ්‍රී ලංකා පොදුජන පෙරමුණ ජයග්‍රහණය කළ අතර, ඔවුන්ට සභික ධුර 08ක් හා එජාපයට සභික ධුර 07ක් හිමිවිය.
බේරුවල ප්‍රාදේශීය සභාවද ජයග්‍රහණය කරවීමට රාජිත සේනාරත්න මහතාට නොහැකි වූ අතර, ජයග්‍රහණය කළ පොදුජන පෙරමුණට සභික ධුර 20ක් හිමිවිය. එජාපයට හිමිවුණේ සභික ධුර 13කි.