රටතුළ ෆෙඩරල් පාලනයක් ඇති කිරීම සදහා වත්මන් ආණ්ඩුවට කිසිදු ජනවරමක් ලැබී නොමැති බවා ජාතික හෙළ උරුමයේ නායක පූජ්‍ය ඕමල්පේ සෝභිත හිමියන් පවසයි. ෆෙඩරල් සංකල්පය යනු ඊළාම් සිහිනයේ පළමු පියවර බවත් එය කිසිසෙත් ඉටු කළ නොහැකි කාරණයක් බවත් උන්වහන්සේ පවසයි.
ෆෙඩරල් දෙමළ ජාතිවාදීන්ගේ පැවැත්ම සඳහා ඉදිරිපත් කරන්නන් බවට චෝදනා කළ ඕමල්පේ හිමියෝ එය දෙමළ ජනතාවගේ අවශ්‍යතාවක්‌ නොවන බවත් දමිළ ජනතාව වීම හෝ උතුරේ වීම නිසා මේ රට තුළ කිසිදු ප්‍රශ්නයක්‌ නැති බවත් ඔවුන්ට ඇත්තේ දකුණේ ජනතාවට තිබෙන පොදු ප්‍රශ්නම බවත් කීහ.
සංහිඳියාව ඇති කිරීමට රට තුළ මතුව ඇති මහඟු අවස්‌ථාව දෙමළ දේශපාලන නායකයන් විනාශ කර ගනිමින් සිටින බවත් ඔවුන්ට අවශ්‍යව ඇත්තේ වෙනම රාජ්‍යයක ඔටුනු පැළැඳීමේ නරුම සිහිනය බවත් ඕමල්පේ සෝභිත හිමියෝ වැඩිදුරටත් පැවැසූහ.
සිරිසමන්ත රත්නසේකර