උසාවියට අපහාස කිරීමේ සහ පැමිණිළිකරුවෙකුට තර්ජණය කළැයි යන චෝදනාව මත ඇප ලබා නොදී දිගින් දිගටම රක්ෂිත බන්ධනාගාරගත කිරීම නිසා සිය මූලික අයිතිවාසිකම් කඩු වුණු බව සදහන් කරමින් පූජ්‍ය ගලගොඩඅත්තේ ඥාණසාර හිමියන් විසින් මූලික අයිතිවාසිකම් පෙත්සමක් ගොණු කිරීමට සූදානම් වනවා.
යාපනය හා මන්නාරම උසාවි සංකීර්ණයට ගල්මුල් වලින් පහර දෙමින් නීතියට අපහාස කළ පුද්ගලයන් සහ රජයේ අමාත්‍යවරයෙකු විසින් අධිකරණ විනිසුරුවරයෙකුට තර්ජණය කිරීම පිළිබදව සාක්ෂි තිබියදී ඔවුන්ට නීතිය ක්‍රියාත්මක නොකිරීමත්, උසාවිය තුළ අදහස් පළකිරීම සම්බන්ධයෙන් උසාවියට අපහාස කළේය යන චෝදනාව මත තමන් වහන්සේ රක්ෂිත බන්ධනාගාර ගත කිරීමත් නිසා තම මූලික අයිතිවාසිකම් කඩ වී ඇති බවත් සදහන් කරමින් අද පෙරවරු 11ට පමණ මෙම මූලික අයිතිවාසිකම් පෙත්සම ශ්‍රේෂ්ඨාධිකරණයේ ගොණු කරන බවයි වාර්තා වන්නේ.