පාර්ලිමේන්තු මන්ත්‍රීවරුන්ට මෝටර් රථ ලබා ගැනීම සදහා රුපියල් ලක්ෂ 100ක උපරිමයකට යටත්ව ණයක් ලබා දෙන ලෙස මුදල් අමාත්‍ය රවී කරුණානායක මහතා විසින් රාජ්‍ය බැංකුවලට දැනුම් දී ඇතැයි වාර්තා වේ.
මෙම ණය ඉතා සහනදායී පොලී මත නිකුත් කරන ලෙස මුදල් ඇමතිවරයා දන්වා ඇති අතර, අදාළ සහනදායී පොළී ප්‍රතිශතය කොපමණදැයි මුදල් අමාත්‍යාංශය දන්වා නොමැති බවද පැවසේ.
එම තත්ත්වය හේතුවෙන් රාජ්‍ය බැංකු එම ණය නිකුත් කරනු ලබන පොලී අනුපාතය මුදල් අමාත්‍යංශයෙන් නියම කරණ ලෙස ඉල්ලීමක් කිරීමට සූදානම් වන බවද පැවසේ.
කෙසේවෙතත්, මන්ත්‍රීලා අදාළ ණය මුදල ඉල්ලා සිටින්නේ 4%ක පොලියට බවද පැවසේ.