Colombo Today Local News

2018 අපේක්ෂිත ආර්ථික වර්ධන වේගය අහලකටවත් එන්න බැරිවුණා… විදේශ සංචිත ඉතිරිව ඇත්තේ තව මාස 4කට පමණයි…

ලංකාවට දැඩි මුදල් ප්‍රතිපත්ති හඳුන්වාදීමටත් රාජ්‍ය පොලී අනුපාතික වැඩි කිරීමටත් ශ්‍රී ලංකා මහ බැංකු මුදල් මණ්ඩලය විසින් ප්‍රතිපත්තිමය තීරණයකට පැමිණි බව මහ බැංකු අධිපති ආචාර්ය ඉන්ද්‍රජිත් කුමාරස්වාමි මහතා පවසයි.

කුමාරස්වාමි මහතා මෙසේ පැවැසුවේ කොළඹ පිහිටි මහ බැංකු ශ්‍රවණගාරයේ ඊයේ (14දා) පැවැති මාධ්‍ය හමුවකදීය. එහිදී වැඩිදුරටත් අදහස් දැක්වූ හෙතෙම මෙසේද කීය.

මේ වනවිට අපේ රටේ ආර්ථිකය දැඩි අර්බුදකාරී තත්ත්වයකයි තිබෙන්නේ. ජාත්‍යන්තර පොලී අනුපාතික ඉහළ යෑම, ඩොලරයට සාපේක්ෂව රුපියල අවප්‍රමාණ වීම, විදේශීය ආයෝජකයන් ඔවුන්ගේ ආයෝජන ඉවත්කර ගැනීම, බොර තෙල් මිල ඉහළ යෑම ආදී කරුණු මෙම ආර්ථික අර්බුදයට හේතු වුණා.

ලබන වසරේ අපිට ලොකු අභියෝගයකට මුහුණ දීමට සිදු වෙනවා. මෙවැනි තත්ත්වයකදී දැඩි මුදල් ප්‍රතිපත්තියකට යා යුතුයි.

වසර 2018 දී ආර්ථික වර්ධන වේගයේ අපේක්ෂිත අගය අසලටවත් ළඟා වීමට හැකි වුණේ නැහැ. ආනයන අපනයන පරතරය වේගයෙන් වැඩි වුණා. මේ තත්ත්වයට මුහුණදීමට ආනයන සීමා කිරීම, පෞද්ගලික අංශයට ලබාදෙන ණය සීමා කිරීම, ස්ථාවර තැන්පතු සඳහා වූ රඳවා ගැනීමේ බදු අනුපාතිකය 8% දක්වා ඉහළ දැමීම, බැංකු පොලී අනුපාතික වැඩි කිරීම ආදී තීරණ ගැනීමට සිදු වූවා.

මේ වනවිට විදේශ සංචිත ඉතිරිව ඇත්තේ මාස හතරකට අත්‍යවශ්‍ය භාණ්ඩ ආනයනය සඳහා පමණයි. හම්බන්තොට වරාය බදු දීමෙන් අපට තව ඩොලර් මිලියන 650ක් ලැබීමට නියමිතයි. ලංකා බැංකුව, මහජන බැංකුව සහ ජාතික ඉතිරි කිරීමේ බැංකුවේ ආයෝජනය කිරීමට කටාර් වැනි විදේශීය රාජ්‍යයන් ඉදිරිපත් වී සිටිනවා. ඒ වගේම චීන සංවර්ධන බැංකුවේ ආයෝජන හරහා ලැබෙන මුදල්වලින් රට වැටී ඇති ආර්ථික අගාධයෙන් ගොඩඒමට හැකි වනු ඇතැයි විශ්වාස කරනවා. රාජ්‍ය බැංකු විදේශීය ආයෝජකයන්ට යටත් කිරීමෙන් අපට ඩොලර් මිලියන දහසක් පමණ ලබා ගැනීමට හැකි වෙනවා.

Related posts

පාතාල නායක ධර්මසිරි ඩුබායිහිදී අත්අඩංගුවට

colombotoday

දිවයිනට පැමිණි ගෑස් නැවක සාම්පල පරීක්ෂාකෙරේ

colombotoday

ප්‍රබල අකුණු ගැන අවාවාදාත්මක නිවේදනයක්

Admin

මහ බැංකුව, වාණිජ බැංකු සහ රක්ෂණ ආයතන අත්‍යාවශ්‍ය සේවා යටතට

colombotoday

මෝටර් රථයක් තුල පිළිස්සුණු මළ සිරුරක්

colombotoday

“පාස්කු ප්‍රහාරයට මම වැරදිකාරයෙක් නොවෙයි” – හිටපු ජනපති මෛත්‍රිපාල කියයි

Admin