තමන් මුදල් අමාත්‍ය ධූරය සිටි කාලයේ විදේශ සංචිත පහළ ගියේ යැයි වන චෝදනාව පිළි නොගන්නා බව හිටපු මුදල් අමාත්‍ය බැසිල් රජපක්ෂ මහතා පවසයි.
අද (9)දින පැවති විශේෂ මාධ්‍ය හමුවකදී ඔහු මේ බව සඳහන් කළේ ය.
තමන් අමාත්‍ය ධූරය භාර ගන්නා අවස්ථාවේදී ද රට තුළ විදෙස් සංචිත නොපැවති බව ඔහු ප්‍රකාශ කළේය.
“සංචිත බිංදුවට වැටුණ එක නම් මම පිළිගන්නේ නෑ. කවුද දන්නේ නැහැ කිව්වේ? කොහෙද තියෙන්නේ? ඒක නම් වැරදි. සම්පූර්ණ වැරදි තොරතුරක්. සංචිත කියල එකක් තිබුණෙත් නැහැ මම එනකොට. එහෙම සංචිත තිබුණා නම් මට ත් කරන්න තිබුණා.”
“රජපක්ෂ පාලනය අවසන් වුණේ බැසිල් රාජපක්ෂ නිසා බව ජනතාව චෝදනා කරනවා,” මාධ්‍යවේදියෙකු එහිදී ඔහුගෙන් ප්‍රශ්න කළේ ය.
ඊට පිළිතුරු දෙමින් හිටපු අමාත්‍යවරයා මෙසේ පැවසීය.
“ඔව් ඒක ඉතින් ගියා ම ඉවරනේ…”
මේ අතර ඔහු සඳහන් කළේ, ඉන්ධන පිටි සහ පොහොර මෙරටට ලැබෙන්නේ තමන් අමාත්‍ය ධූරයේ සිටියදී සාකච්ඡා කර ලබා ගත් ණය මාර්ගයන් ඔස්සේ බව ය.