මෙවර අයවැයෙන් කරන ලද බදු සංශෝධන අනුව රථවාහන වල මිල සැලකිය යුතු ලෙස ඉහළ යන බව මෝටර් රථ ආනයනයකරුවන්ගේ සංගමය පවසයි.
එහි සභාපති සම්පත් මෙරින්චිගේ මහතා පවසන්නේ නව සංශෝධන අනව ඉලෙක්ට්‍රික් මෝටර් රථ සදහා පනවා තිබූ බදු ප්‍රතිශතය 5% සිට 50% දක්වා වැඩි කර ඇති අතර නව ගණනය කිරීම් අනුව හයිබ්‍රිඩ් මෝටර් රථයක් ලක්ෂ 5 – 8ත් අතර ගණනකින් මිළ ඉහල යන බවයි. වෑන් රථ වලට පනවා තිබූ බදු ප්‍රතිශතය 80% සිට 150% දක්වාද වැඩිකර තිබෙන ඒ අනුව වෑන් රථයක මිල ලක්ෂ 25කින් පමණ ඉහළ යන බව ඔහු පවසයි.
ආනයන බදු වලට අමතරව ආදායම්බදු දෙපාර්තමේන්තුව විසින් මෝටර් රථවාහන සදහා අයකර අමතර ගාස්තුද ඉහළ දමා ඇති අතර දුම් පරීක්ෂා ගාස්තුව රු.5000ක් වැඩි කර තිබෙන බවද එම සංගමය පවසයි.