එළැඹෙන නොවැම්බර් මාසයේදී ශ්‍රී ලංකාවේදී පැවැත්වීමට නියමිත ආසියානු රදගුරු සමුළුව වෙනුවෙන් රජය රුපියල් මිලියන 10ක මුදලක් ඊයේ (29) අගරදගුරු මැල්කම් රංජිත් කාදිනල් තුමන් වෙත පරිත්‍යාග කර තිබේ.
අගරදගුරු නිල නිවසේදී මෙම පරිත්‍යාගය සිදුකිරීමේ අවස්ථාවට මුදල් අමාත්‍ය රවි කරුණානායක සහ සංචාරක සංවර්ධන, ක්‍රිස්තියානි ආගමික කටයුතු සහ ඉඩම් අමාත්‍ය ජෝන් අමරතුංග යන මහත්වරුන් සහභාගී වී ඇත.
නොවැම්බර් මස 28 දා සිට දෙසැම්බර් මස 04 දා දක්වා මීගමුවේදී පැවැත්වෙන මෙම සමුළුව සඳහා කලාපය නියෝජනය කරමින් රදගුරුවරුන් 150කට අධික පිරිසක් සහභාගී වීමට නියමිතය.