උතුරේ වෙහෙර විහාරස්ථාන කිසි විටෙකත් ඉවත් කළ නොහැකි බව බන්ධනාගාර පුනරුත්තාපන හා නැවත පදිංචි කිරීමේ අමාත්‍ය ඩී.එම්. ස්වාමිනාදන් මහතා පවසයි.
ඇමතිවරයා මේ බව ප්‍රකාශ කළේ කිලිනොච්චියේ පැවති වැඩසටහනකට සහභාගී වෙමිනි.
බෞද්ධ වෙහෙර විහාර මෙන්ම බුදු පිළිම ඉදිකිරීමේ අයිතිය භික්ෂූන් වහන්සේලාට හා සිංහල ජනතාවට ඇති බවත් උතුරේ ඉදි කළ බෞද්ධ විහාර හෝ බුදුපිළිම කිසිවිටෙක ඉවත් නොකරන බවද ඉදිකර ඇති බෞද්ධ වෙහෙර විහාර හා බුද්ධ ප්‍රතිමා ඉවත් කිරීමට උත්සාහ කළ හොත් එය විශාල ගැටළුවක් බවට පත් වනු ඇති බව ද අමාත්‍යවරයා එහිදි වැඩිදුරටත් අවධාරණය කර ඇත.
කිළිනොච්චිය ඉරණමඩු ප්‍ර දේශයේ ඉදිවෙමින් පවතින බුද්ධ ප්‍රතිමාවේ ඉදිකිරීම් කටයුතු නතර කරන ලෙස දෙමළ ජාතික සන්ධානයේ මැදිහත්වීමෙන් උතුරු පළාත් සභාව විසින් යෝජනාවක් පසුගියදා සම්මතකරගත් අතර, බුදු පිළිම වහන්සේ ඉදිකරන ඉඩම රජයට අයත් එකක් බැවින් එහි ඉදිකිරීම් අත්හිටුවීමට පළාත්සභාවට බලයක් නොමැති බවද සදහන් වනවා.