Colombo Today Local News

බුද්ධගයා මහා විහාරයට දැඩි ආරක්ෂාවක්

ඉන්දියාවේ බිහාර් ප්‍රාන්තයේ පිහිටි බුද්ධගයා මහ විහාරයට ත්‍රස්තවාදීන් විසින් දෙවැනි වරටත් බෝම්බ බිය ඇති කිරීම නිසා බුද්ධගයා විහාරය හා බුද්ධගයාව පුදබිම අවට ආරක්ෂක අංශ නිලධාරීන් ඇතුළුව අධි තාක්ෂණික උපකරණ සවිකර දැඩි ආරක්ෂාවක් සැපයීමට බිහාර් ප්‍රාන්ත රජය පියවර ගෙන තිබේ.

බුද්ධගයා විහාරය හා පුදබිම තුළ සිවිල් හා නිල ඇඳුමෙන් සැරසුණු ගයා පොලිසියේ නිලධාරීන්, විනයාරක්ෂක පොලිස් සෙබළුන්, කොමාන්ඩෝ හා යුද හමුදා සෙබළුන් සියයකට අධික පිරිසක් දිනපතා ආරක්ෂාවේ නිරත වේ.

ලෝකවාසී බෞද්ධයන්ගේ වන්දනීය, පූජනීය ස්ථානයක් වූ බිහාර් ප්‍රාන්තයේ (ගයා ප්‍රදේශය) පිහිටි බුද්ධගයාව හා ඒ අවට ආරක්ෂාව දැඩි කිරීමත් සමඟ බුද්ධගයාව වැඳපුදා ගැනීම සඳහා පැමිණෙන සියලුම බැතිමතුන් දැඩි අපහසුතාවකට පත්වුවත් පසුගිය සති කිහිපය පුරාම ශ්‍රී ලාංකික, බුරුම, සියම්, තායිලන්ත, නේපාල, මියන්මාර, ඉන්දුනීසියාව හා චීන යන බෞද්ධ රටවල ආගමික නායකයන් මෙන්ම බැතිමත්හු විශාල වශයෙන් බුද්ධගයාව වෙත පැමිණ සිටියහ.

බුද්ධගයා මහ විහාරයට ඇතුළුවීමේදී පසුගිය වසර තුනකට ඉහතදී පැවැති ලිහිල් නීතිය සම්පූර්ණයෙන්ම අහෝසි වී තිබෙන අතර බුද්ධගයාවට ඇතුළු වන ප්‍රධාන පිවිසුම ඉදිරිපිටම ආරක්ෂිත බංකරයක් ඉදිකර ස්වයංක්‍රිය ආයුධ සන්නද්ධ පොලිස් නිලධාරීන් යොදවා තිබේ.

බුද්ධගයා විහාරය හා අවට දිවා රාත්‍රියේ ස්වයංක්‍රිය ආයුධ සහිත පොලිස් නිලධාරීන් විශාල පිරිසක් යොදවා තිබේ. බුද්ධගයා මහ විහාරයට ඇතුළු වන ප්‍රධාන පිවිසුම ආසන්නයේම විශේෂ ස්කෑනර් යන්ත්‍රයක් සමඟ සෙන්සෝ මැටික් අධි තාක්ෂණික උපකරණ සවිකර සියලුම බැතිමතුන්ගේ ගමන් මලු පරීක්ෂාවට ලක් කරයි.

කිසිදු පුද්ගලයකුට ගමන් මලුවල සඟවා ගෙන ජංගම දුරකතන රැගෙන යෑමට පොලිසිය අවසර නොදෙන අතර ඒ පිළිබඳව නිරන්තරව අධි තාක්ෂණික උපකරණ මඟින් නිරීක්ෂණය කරයි.

Related posts

තේවානම්පියතීසන් ගැන තියෙන්නේ මොන පොතේද? ආචාර්ය එල්ලාවල නාහිමියන්ගෙන් විග්නේශ්වරන්ට අභියෝගයක්…

colombotoday

පාස්කු ප්‍රහාරය : ජනාධිපති පරීක්ෂණ කොමිසමේ අවසන් වාර්තාව අද ජනපතිට

colombotoday

ඩයස්පොරාවේ ඉල්ලීම් 10ක් ව්‍යවස්ථා අතුරු කමිටු වාර්තාවේ.. ‘ටැමිල් නෙට්‘ හෙළිකරන සිංගප්පූරු සම්මුතිය මෙන්න

colombotoday

නවගමුව විහාරයේ සියළුම පිංකැටවලට මුද්‍රා තබයි

Admin

මිනුවන්ගොඩ ඇගලුම් කම්හලේ සේවකයින් හා එහි ආශ්‍රිතයින් 103ක් කොවිඩ් ආසාදිතයින් ලෙස හඳුනාගනී

colombotoday

හමුදාවන්ට උපකරණ ගන්න ඉන්දියාවෙන් ඩොලර් මිලියන 50ක්

colombotoday