කොරෝනා මර්දන එන්නත් මේ වනතෙක් ලබා නොගත් වයස අවුරුදු 20ට වැඩි පුද්ගලයින් පිළිබඳ සමීක්ෂණයක් ආරම්භ කර තිබේ.
ස්වදේශ කටයුතු අමාත්‍යාංශයේ ලේකම් එන්.එච්.එම්. චිත්‍රානන්ද මහතා සඳහන් කළේ, දිස්ත්‍රික් මට්ටමින් ඒ පිළිබඳ දත්ත ලබා ගන්නා බවය.
ඒ අනුව, එන්නත් ලබා නොගත් එම වයස් කාණ්ඩවල පුද්ගලයින් පිළිබඳව තොරතුරු ඇතුළත් වාර්තාවක් ලබන 11 වැනිදා අමාත්‍යාංශය වෙත ලබා දෙන ලෙස, දිස්ත්‍රික් ලේකම්වරුන්ට දැනුම් දී තිබේ.
ස්වදේශ කටයුතු අමාත්‍යාංශයේ ලේකම්වරයා පැවසුවේ, සිදු කළ සමීක්ෂණයන්ට අනුව වයස අවුරුදු 60ට වැඩි පුද්ගලයින් 70,000ක් පමණ තවමත් එන්නත් ලබාගෙන නොමැති බවට වාර්තා වන බවය.
මේ වනතෙක් තමන් කොරෝනා එන්නත් ලබා නොගෙන ඇත්නම් ඒ පිළිබඳව ග්‍රාම නිලධාරීවරයාව දැනුවත් කරන ලෙස ද ස්වදේශ කටයුතු අමාත්‍යංශය ජනතාවට දැනුම් දෙයි.
කොවිඩ් මර්දන ජනාධිපති කාර්ය සාධක බලකායේ උපදෙස් මත මෙම සමීක්ෂණය ක්‍රියාත්මක ය.