අලියාන්ස් රක්ෂණ සමාගම පාරිභෝගික අයිතිවාසිකම් සුරැකීමේ ජාතික ව්‍යාපාරයේ අසාදු ලේකනයට ඇතුලත් කර ඇත.
ජාත්‍යන්තර පාරිභෝගික අයිතිවාසිකම් දිනය නිමිත්තෙන් ඊයේ (15) පැවැත්වූ උත්සවයකදී පාරිභෝගික අයිතිවාසිකම් සුරැකීමේ ජාතික ව්‍යාපාරයේ සභාපති රන්ජිත් විතානගේ මහතා විසින් අලියාන්ස් රක්ෂණ සමාගම අසාදු ලේකනයට ඇතුලත් කරන බව ප්‍රකාශයට පත් කරන ලදි.
සාධාරණ හේතු නොදක්වා මෙරට රක්ෂණ පාරිභෝගිකයන්ට රක්ෂණ වන්දි නොගෙවීම හා රක්ෂණ පාරිභෝගිකයන් වෙත සිදුකරන ලද අසාධාරණ කම් සලකා බලා හා මෙරට පාරිභෝගික අයිතිවාසිකම් වෙනුවෙන් පෙනී සිටින සංවිධාන විසින් සිදුකරන ලද ඉල්ලීම් නොසලකා හැරීම සම්බන්ධයෙන් වන නිර්ණායක සලකා බලා අලියාන්ස් රක්ෂණ සමාගම අසාදු ලේකනයට ඇතුලත් කිරීමට තීරණය කල බව විතානගේ මහතා පැවසීය.