වත්මන් රජය රණවිරුවන් ආරක්ෂා කිරීමට නිරන්තරයෙන් කැපවී සිටින බව විශේෂ ව්‍යාපෘති අමාත්‍ය ආචාර්ය සරත් අමුණුගම මහතා පවසයි. අමාත්‍යවරයා පෙන්වා දෙන්නේ පසුගිය රජය රණවිරුවන් සිරගත කළ ද වත්මන් රජයෙන් රණවිරුවන්ට කිසිදු ගැටලු වී නොමැති බවයි.
ශ්‍රී ලංකා නිදහස් පක්ෂ මූලස්ථානයේ පැවති මාධ්‍ය හමුවකට එක්වෙමින් සරත් අමුණුගම අමාත්‍යවරයා මෙම අදහස් පළ කර තිබේ.
දුටුගැමුණු රජුගෙන් පසු මේ දක්වා බිහිවූ හොදම සෙන්පතියා සරත් ෆොන්සේකා මහතා බවත්, ඔහුට පසුගිය රජය සමයේදී කළ කී දෑ ගැන දැන් තමන් ඇතුළු සියයළු දෙනා ලැජ්ජාවී පාපොච්චාරණයක් කළ යුතු බවත් අමාත්‍යවරයා සදහන් කළේය.
යුද සමය සම්බන්ධයෙන් මෙතෙක් හෙළි නොවූ රහස් ෆීල්ඞ් මාර්ෂල් සරත් ෆොන්සේකා මහතා විසින් ඉදිරියේදී හෙළි කරනු ඇතැයි අමාත්‍ය ආචාර්ය සරත් අමුණුගම මහතා එහිදී වැඩි දුරටත් පැවසූ අතර ලංකාව විසින් ගොඩනගා ගෙන ඇති විදේශීය මිත්‍ර සම්බන්ධතා නිසාවෙන් ශ්‍රී ලංකාවට වැඩි වාසි හිමිවන බවද සදහන් කළේය.