ඉස්ලාම් අන්තවාදය ප්‍රමුඛතම තර්ජනය ලෙස පවතින බවත් අන්තවාදී කණ්ඩායම් විසින් එල්ලකලහැකි ජීව විද්‍යාත්මක ප්‍රහාරයකටබටහිරයන් සූදානම් විය යුතු බවත් හිටපු බ්‍රිතාන්‍ය අගමැති ටෝනි බ්ලෙයාර් අද (6) පැවසීය.
ඉස්ලාම් දෘෂ්ටිවාදය සහ ප්‍රචණ්ඩත්වය යන දෙකම ආරක්‍ෂාවේ පළමු තර්ජනය ලෙස පවතින බවත් 9/11 ප්‍රහාරය එල්ල කළ පරිදිම තවත් ප්‍රහාර නොසිතු මොහොතක එල්ලවීමේ තර්ජනයක් පවතින බවත් RUSI security think tank හීදී බ්ලෙයාර් පැවසීය. 2001 සැප්තැම්බර් 11 එක්සත් ජනපදයට එල්ල වූ ප්‍රහාරයේ විසිවන සංවත්සරය සැමරීම සඳහා එය පැවැත්වින.
“COVID-19 අපට මාරාන්තික රෝග කාරක ගැන කියා දී ඇත. ජෛව ත්‍රස්තවාදයේ හැකියාවන් විද්‍යා ප්‍රබන්ධ වල විෂය පථය සේ පෙනෙන්නට පුළුවන. නමුත් ඒවාට අපි දැන් සූදානම් වීම ඥානවන්ත ය,” ඔහු පැවසීය.
2001 දී බ්‍රිතාන්‍ය හමුදා ඇෆ්ගනිස්ථානයට යැවූ හිටපු අගමැතිවරයා පැවසුවේ එක්සත් ජනපදයේ හමුදා මැදිහත් වීම සඳහා සීමිත රුචියකින් යුතුව බ්‍රිතාන්‍ය යුරෝපයේ රටවල් සමඟ වඩාත් සමීපව කටයුතු කළ යුතු බවයි.
රොයිටර් පුවත් සේවය ඇසුරෙනි