ත්‍රස්තවාදය පරාජය කර ශ්රී ලංකාව යලි එක්සේසත් කළ දිනයේ උතුරේ ජන සංහාර සතියක් ප්‍රකාශයට පත්කිරීම සහ ත්‍රස්තවාදීන් සැමරීමේ උත්සව පැවැත්වීම පිටුපස සිටියේ ජාත්‍යන්තර කොටි ඩයස්පොරාව සංවිධානය එස්.ජේ. එම්මානුවෙල් ක්‍රිස්තියානි පූජකවරයා බව සමස්ථ ලංකා හින්දු සම්මේලනය පවසයි.
මෙරට හින්දු ජනතාව මුහුණ දෙන ගැටළු සම්බන්ධයෙන් මල්වතු පාර්ශවයේ මහා නාහිමියන් හමු වූ අවස්ථාවේදී හින්දු සම්මේලනයේ නියෝජිතයන් මේ බව සැලකර සිටියේය.
ජාත්‍යන්තර කොටි ජාලය හසුරවන මොහු තවමත් යාපනයට වී රටේ සාමාකාමී වාතාවරණය විනාශ කිරීමට කටයුතු කිරීම නැවැත්වීමට රජය වහා පියවර ගත යුතු බවද හින්දු සම්මේලනය මහා නාහිමියන් හමුවේ අවධාරණය කර ඇත.
ත්‍රස්තවාදයට අනුබල දෙන්නෙකු මෙරටට පැමිණීමට ශ්රී ලංකා රජය වීසා ලබාදීම අනුවන ක්‍රියාවක් බවත් මේ පිටුපස සිටින්නේ ඩයස්පොරවෙන් මුදල් ලබාගන්නා දකුණු පළාත නියෝජනය කරන රජයේ ප්‍රබල අමාත්‍යවරයෙකු බවත් හින්දු සම්මේලනය මහා නාහිමියන් වෙත පෙන්වා දී තිබෙනවා.