අති පුජ්‍ය රාජකීය පණ්ඩිත ගලගොඩඅත්තේ ඥානසාර හිමි සිරගත කිරීම පිලිබදව විවිද දේශපාලන පක්ෂ නියෝජනය කරන පාර්ලිමේන්තු මන්ත්‍රීවරු අද (16) අදහස් පළකර සිටියා.
ඥානසාර හිමි සිරගත කිරීම ගැන කණගාටු වෙනවා – අශෝක් අඹේසිංහ
පුජ්‍ය ගලගොඩඅත්තේ ඥානසාර හිමි සිරගත කිරීම පිළිබඳව තමන් කණගාටුවට පත්වෙන බව අමාත්‍ය අශෝක් අඹේසිංහ
අද ප්‍රකාශ කර සිටියා. අදිකරණයකින් ලබාදුන් තීන්දුවකට එරෙහිව ගත හැකි ක්‍රියාමාර්ග තිබෙන බවත් ගරුතර ස්වාමීන් වහන්සේ එය ගනු ඇති බවත් අද අමාත්‍යවරයා ප්‍රකාශ කර සිටියා.
හාමුදුරුවෝ කතා කලේ රණ විරුවන් වෙනුවෙන් -ප්‍රසන්න රණතුංග
මේ හාමුදුරුවෝ මේ රටේ රණ විරුවන් වෙනුවෙන් කතා කරලා තමයි මේ සිද්ධියට මුහුණපාලා තිබෙන්නේ. ඒ නිසා ඥානසාර හාමුදුරුවන්ට පොදු සමාව දිය හැක්කේ ජනාධිපතිවරයාට පමණි.
ආණ්ඩුවට හාමුදුරුවන්ට ජම්පරය අන්දන්න උවමනාවක් තිබ්බා – එස් එම් චන්ද්‍රසේන
නීතිය නමන පොලීසිය තමයි අධිකරණයට මේවා බාර දෙන්නේ. අධිකරණයෙන් පස්සේ ඒවාට තීන්දු එනවා. මේකට සම්පුර්ණයෙන් රජය වග කිව යුතුයි. ගලගොඩ අත්තේ ඥානසාර හිමිට අභියාචනයක් දාලා තියෙන වෙලාවක දවසට දෙකට ජම්පරයක් අන්දන්න උවමනාව තිබ්බා. චීවරයට තිබ්බ අත හේතුවෙන් ජනතාව මේ ආණ්ඩුවට කිසිදු සමාවක් දෙන්නේ නෑ