Colombo Today Local News

කෙසෙල් ඇවරිය ජනාධිපතිවරණයට. අපේක්ෂකයා සජිත්?

කෙසෙල් ඇවරිය ලකුණෙන් මීළඟ ජනාධිපතිවරණය සඳහා තරඟ වැදීමට එක්සත් ජාතික නිදහස් පෙරමුණ තීරණය කොට ඇති බව එම පක්ෂයේ අභ්‍යන්තර ආරංචි මාර්ග පවසයි.

එක්සත් ජාතික නිදහස් පෙරමුණ පසුගිය පළාත් පාලන මැතිවරණයේ දී පළාත් පාලන ආයතන 65ක් සඳහා තරඟ කොට මන්ත්‍රී ආසන 21ක් දිනාගැනීමට සමත් වූ අතර එහිදී කොළඹ, ගාල්ල හා මීගමුව යන මහ නගර සභා වලද ආසනය බැගින් ජය ගැනීමට එම පක්ෂය සමත් විය.

අනුරාධපුර මැදවච්චිය ඡන්ද කොට්ටාශය ජයග්‍රහණය කරමින් අනෙක් සියලුම ප්‍රධාන පක්ෂ එහිදී පරාජය කිරීමට කෙසෙල් ඇවරිය ලකුණෙන් තරඟ කරන ලද එක්සත් ජාතික නිදහස් පෙරමුණ සමත් විය.

එක්සත් ජාතික නිදහස් පෙරමුණ මහා ලේකම්වරයා ලෙස කටයුතු කරනු ලබන්නේ ජනාධිපති නීතීඥ මෛත්‍රී ගුණරත්න මහතා වන අතර එහි සභාපතිවරයා ලෙස කටයුතු කරනු ලබනුයේ හිටපු පාර්ලිමේන්තු මන්ත්‍රී උපාලි අමරසිරි මහතාය.

මේ වන විට මහත් ආන්දෝලනයකට ලක්ව ඇති කෙසෙල් ඇවරිය ලකුණ දරන එක්සත් ජාතික නිදහස් පෙරමුණ හරහා ජනාධිපති අපේක්ෂක සජිත් ප්‍රේමදාස මහතා බොහෝ දුරට ඉදිරිපත් විය හැකි බවට රටපුරා කතා බහට ලක්වෙමින් පවතී.

මේ අතර එක්සත් ජාතික පක්ෂයෙන් අවස්ථාවක් නොලැබුණහොත් එජාප නියෝජ්‍ය නායක සජිත් ප්‍රේමදාස කෙසෙල් ඇවරිය ලකුණ යටතේ තරඟ කිරීම සඳහා සියලු කටයුතු සුදානම් කර ඇතැයි දේශපාලන ආරංචි මාර්ග සඳහන් කර සිටිනවා.

Related posts

මහින්දගේ ආණ්ඩු විරෝධී ජාතික පෙරමුණ ළගදීම

colombotoday

උද්ඝෝෂකයෝ මහරගම පොලිස් ස්ථානාධිපතිට ඇඟිලි දෙකක් අහිමි කරයි. – නායකත්වය දුන් දෙදෙනෙක් අත්අඩංගුවට.

colombotoday

හරක් කටාට උදව් කළ තවත් කොස්තාපල්වරයෙක් අල්ලයි – ජරාව කෑ තවත් නිලධාරීන් ගැන පරීක්ෂණ

Admin

දේශපාලකයෙකුගේ බිරිඳකට අලෙවිසැලක් තුළදී පිහියෙන් අනී

Admin

තවත් කොවිඩ් රැල්ලක් ඉතා ආසන්න කාලයක දී ඇති වීමේ දැඩි අවදානමක් – ශ්‍රී ලංකා වෛද්‍ය සංගමය අනතුරු අගවයි

colombotoday

රජයේ අත්‍යවශ්‍ය සේවා ආයතන වලට හිඟ විදුලි බිල්පත් ගෙවන්න සහන කාලයක්

Admin